#BREAKING : அஸ்ஸாமின் அடுத்த முதலமைச்சராக ஹிம்மந்த் பிஸ்வாஸ்சர்மா தேர்வு..!

அஸ்ஸாமின் அடுத்த முதலமைச்சராக ஹிமாந்த பிஸ்வா சர்மா  நியமிக்கப்பட்டுள்ளார்.

சமீபத்தில் 126 தொகுதிகளைகொண்ட அசாம் மாநிலத்தில் நடைபெற்ற சட்டமன்ற தேர்தலில் 75 தொகுதிகளில் வெற்றி பெற்று மீண்டும் பாஜக கூட்டணி ஆட்சியை கைப்பற்றியது.

இதில், பாஜக 60 தொகுதிகளில் தனித்து வெற்றி பெற்றது. பாஜக முதல்வர் வேட்பாளரை அறிவிக்காமலே தேர்தலை எதிர்கொண்டது. இதனால், முதல்வர் யார் என்பது குறித்து தற்போது விவாதிக்கப்பட்டு வந்தது. முதல்வர் போட்டியாளர்களாக முன்னாள் முதல்வர் சர்பானந்தா சோனோவால் மற்றும் முன்னாள் அமைச்சர் ஹிமந்தா பிஸ்வா சர்மா இருந்தனர்.

பின்னர், பாஜக தலைமை இருவரையும் அழைத்து நேற்று ஆலோசனை நடத்தினர்.  இந்த ஆலோசனைக்கு பின் பேசிய ஹிமந்தா பிஸ்வா சர்மா நாளை பாஜக சட்டமன்ற உறுப்பினர்கள் கூட்டம் நடைபெறும். இந்த கூட்டத்திற்கு பிறகு பதில் தெரியும் என தெரிவித்தார்.

இந்நிலையில், பாஜக சட்டமன்ற குழு தலைவராக ஹிமந்தா பிஸ்வா சர்மா தேர்வு செய்யப்பட்டதாக பாஜக தலைமை அறிவித்துள்ளது. இதனை அஸ்ஸாமின் அடுத்த முதலமைச்சராக ஹிம்மந்த் பிஸ்வாஸ்சர்மா தேர்வு செய்யபப்ட்டுள்ளார்.

சற்று நேரத்திற்கு முன் அசாம் மாநிலத்தின் தற்போதைய முதல்வர் சர்பானந்தா சோனோவால் தனது ராஜினாமா கடிதத்தை ஆளுநர் ஜெகதீஷ் முகியிடம் கொடுத்தார் என்பது குறிப்பிடத்தக்கது. பதவியேற்பு விழா நாளை நடைபெறும் என அறிவிக்கப்பட்டுள்ளது.