5 மாநிலங்களில் நடைபெறும் தேர்தல் தேதிகள் கட்டம் வாரியாக இதோ ..!

5 மாநிலங்களில் பிப்ரவரி 10ஆம் தேதி வாக்குப்பதிவு தொடங்கி 7 கட்டங்களாக தேர்தல் நடைபெற உள்ளது.

செய்தியாளர்களிடம் பேசிய தலைமை தேர்தல் ஆணையர் சுஷில் சந்திரா, உத்தரபிரதேசம்,  பஞ்சாப் , உத்தரகாண்ட் , மணிப்பூர் மற்றும் கோவா ஆகிய மாநிலங்களில் தேர்தல் நடைபெறும் தேதியை அறிவித்தார்.

உத்தரபிரதேசம் 403 தொகுதிகளையும், பஞ்சாப் 117 தொகுதிகளையும், உத்தரகாண்ட் 70 தொகுதிகளையும், மணிப்பூர் 60 தொகுதிகளையும், கோவா 40 தொகுதிகளையும் கொண்டது. 5 மாநிலங்களில் வேட்புமனு தாக்கல் ஜனவரி 14ம் தேதி தொடங்குகிறது. வேட்புமனு தாக்கல் செய்ய கடைசி நாள் ஜனவரி 21-ம் தேதி என தெரிவிக்கப்பட்டுள்ளது.

மேலும், 5 மாநிலங்களில் பிப்ரவரி 10-ஆம் தேதி தேர்தல் தொடங்கி மார்ச் 7-ஆம் தேதி வரை ஏழு கட்டங்களாக தேர்தல் நடைபெறுகிறது. 5 மாநில தேர்தலுக்கான வாக்கு எண்ணிக்கை மார்ச் 10ம் தேதி நடைபெறும் என தெரிவித்தார்.

உத்தரப்பிரதேச மாநிலத்தில் 7 கட்டங்களாகவும், மணிப்பூர் மாநிலத்தில் பிப்ரவரி 27, மார்ச் 3 என இரண்டு கட்டங்களாகவும்,  பஞ்சாப், உத்தரகண்ட், கோவா மாநிலங்களில் பிப்ரவரி 14-ஆம் தேதி ஒரே கட்டமாக தேர்தல் நடைபெறும் என அறிவித்தார்.

1-ம் கட்ட தேர்தல் பிப்ரவரி 10-ஆம் தேதி (உத்தரப்பிரதேசம்)

2-ம் கட்ட தேர்தல் பிப்ரவரி 14-ம் தேதி (உத்தரப்பிரதேசம், பஞ்சாப், உத்தரகண்ட், கோவா )

3-ம் கட்ட தேர்தல் பிப்ரவரி 20-ம் தேதி (உத்தரப்பிரதேசம்)

4-ம் கட்ட தேர்தல் பிப்ரவரி 23-ம் தேதி (உத்தரப்பிரதேசம்)

5-ம் கட்ட தேர்தல் பிப்ரவரி 27- ம் தேதி (உத்தரப்பிரதேசம், மணிப்பூர்)

6-ம் கட்ட தேர்தல் மார்ச் 3-ம் தேதி (உத்தரப்பிரதேசம், மணிப்பூர்)

7-ம் கட்ட தேர்தல் மார்ச் 7-ம் தேதி நடைபெறுகிறது. (உத்தரப்பிரதேசம்)