மும்பை மற்றும் புறநகர்ப் பகுதிகளில் பலத்த மழை..!

மும்பை மற்றும் புறநகர்ப் பகுதிகளில் இரண்டு மணி நேரத்திற்கும் மேலாக பலத்த மழை பெய்தது. வழக்கத்திற்கு மாறாக, ஒரு வாரத்திற்கு முன்பே பெய்த இந்த மழையால், சாலைகளில் வாகனப் போக்குவரத்து முடங்கியது.

மும்பையில் இருந்து புறப்பட வேண்டிய பல விமானங்கள் தாமதமாகின. அதேபோன்று தரையிறங்க வேண்டிய விமானங்களும் பிற விமானநிலையங்களுக்குத் திருப்பிவிடப்பட்டன. இதனிடையே பாண்டுப் பகுதியில் மழையில் மின்கம்பம் சாய்ந்ததில் மின்சாரம் தாக்கி இரண்டு பேர் உயிரிழந்தனர்.

இதனிடையே, கேரளாவில் தென்மேற்கு பருவ மழை வலுத்து வருவதால் மீனவர்கள் கடலுக்குச் செல்ல வேண்டாம் என எச்சரிக்கை விடுக்கப்பட்டுள்ளது.