கேரளாவில் பல்வேறு மாவட்டங்களுக்கு கனமழை எச்சரிக்கை.!

வங்காள விரிகுடாவில் ஆழ்ந்த காற்றழுத்த தாழ்வு நிலை காரணமாக கேரளாவின் பெரும்பாலான பகுதிகளில் மழை பெய்து வருகிறது. இதனை தொடர்ந்து, இன்று கேரளாவின் பல்வேறு மாவட்டங்களில் கனமழை பெய்யும் என்று வானிலை ஆய்வு மையம் கணித்துள்ளது.

அதன்படி திருவனந்தபுரம், கொல்லம் மாவட்டங்கள் தவிர பிற மாவட்டங்களுக்கு மஞ்சள் எச்சரிக்கை விடுக்கப்பட்டுள்ளது. மேலும், திருச்சூர், பாலக்காடு, மலப்புரம், கோழிக்கோடு, வயநாடு, கண்ணூர் மற்றும் காசராகோடு மாவட்டங்களுக்கு நாளை மஞ்சள் எச்சரிக்கை விடுக்கப்பட்டுள்ளது.

கடந்த 24 மணி நேரத்தில், மாநிலத்தின் பெரும்பாலான இடங்களில் மழை பெய்தது. அந்த வகையில், கோழிக்கோட்டில்  9 செ.மீ., மற்றும் கண்ணூர், திருச்சூர், பாலக்காடு, ஆலப்புழா மற்றும் வயநாடு ஆகிய இடங்களில் அதிக மழை பெய்தது.