#BREAKING: குஜராத் மருத்துவமனை தீ விபத்து.. பிரதமர் நிதியுதவி அறிவிப்பு.!

மருத்துவமனை தீ விபத்தில் உயிரிழந்த 8 பேரின் குடும்பத்தினருக்கு தலா ரூ. 2 லட்சம் பிரதமர் அறிவிப்பு.

குஜராத் மாநிலம் அகமதாபாத்தில் உள்ள ஷீரா மருத்துவமனையில் கொரோனா நோயாளிகளுக்கு சிகிச்சை அளிக்கப்பட்டு வருகிறது. இந்நிலையில், இந்த மருத்துவமனையில் இன்று காலை திடீரென தீவிபத்து ஏற்பட்டது.

இந்த தீவிபத்தில் 8 பேர் பரிதாபமாக உயிரிழந்தனர்.  மருத்துவமனையில் ஏற்பட்ட தீ விபத்தில் 8 பேர் உயிரிழந்ததற்கு பிரதமர் நரேந்திர மோடி தனது ஆழ்ந்த இரங்கலை தெரிவித்துள்ளார்.  மேலும், நிலைமை குறித்து முதல்வர் விஜய் ரூபானி மற்றும் மேயரிடம் பிரதமர் கேட்டறிந்தார்.

இந்நிலையில், மருத்துவமனை தீ விபத்தில் உயிரிழந்த 8 பேரின் குடும்பத்தினருக்கு தலா ரூ. 2 லட்சமும், மருத்துவமனையில் ஏற்பட்ட தீ விபத்தில் காயமடைந்தவர்களுக்கு தலா 50,000 ரூபாய்  பிரதமர் நிவாரண நிதியில் இருந்து வழங்கப்படும் என தெரிவிக்கப்பட்டுள்ளது.

Ex-gratia of Rs. 2 lakh each from PMNRF would be given to the next of kin of those who have lost their lives due to the hospital fire in Ahmedabad. Rs. 50,000 each would be given to those injured due to the hospital fire.

— PMO India (@PMOIndia) August 6, 2020