தற்கொலைப்படை தாக்குதல்.? 4 தீவிரவாதிகள் பற்றிய பரபரப்பு தகவல்கள்.!

4 Terrorists arrest by Gujarat ATS - Gujarat DGP Vikash Sahay [File Image]

சென்னை: 4 ஐ.எஸ்.ஐ.எஸ் தீவிரவாதிகள் அகமதாபாத்தில் கைது செய்யப்பட்டது குறித்து குஜராத் டிஜிபி செய்தியாளர் சந்திப்பில் விளக்கம் அளித்தார்.

குஜராத் அகமதாபாத் விமான நிலையத்தில் 4 ஐஎஸ்ஐஎஸ் தீவிரவாதிகள் மாநில தீவிரவாத தடுப்பு பிரிவான ATS பிரிவு காவல்துறையினரால் கைது செய்யப்பட்டுள்ளதாக இன்று தெரிவிக்கப்பட்டது. அவர்கள் 4 பெரும் இலங்கையை சேர்ந்தவர்கள் என்றும் அவர்கள் புகைப்படத்தையும் ATS பிரிவு காவல்துறையினர் வெளியிட்டனர். இந்த கைது நடவடிக்கைக்கு பின்னர் குஜராத் காவல் டிஜிபி விகாஷ் ஷாகாய் செய்தியாளர்களிடம் பல்வேறு தகவல்களை கூறினார்.

அவர் கூறுகையில், கைதானவர்கள் பெயர் முகமது நுஸ்ரத், முகமது நுஃப்ரான், முகமது பாரிஸ், முகமது ரஸ்தீன் என தகவல் கிடைத்தது. இந்த 4 பேரும் இலங்கையை சேர்ந்தவர்கள். இவர்கள் தடை செய்யப்பட்ட பயங்கரவாத அமைப்பின் (ஐஎஸ்ஐஎஸ்) உறுப்பினர்கள். இவர்கள் நால்வரும் இந்தியாவுக்குள் வந்து பயங்கரவாத தாக்குதல் நடத்த  திட்டமிட்டு இருந்தார்கள்.

இவர்கள் பற்றி கிடைத்த தகவலின் அடிப்படையில் குழுக்கள் அமைக்கப்பட்டு இவர்களை பிடிக்க திட்டமிடப்பட்டது. தெற்கிலிருந்து வரும் ரயில்கள் மற்றும் விமானங்களின் பயணிகள் பட்டியல்கள் ஆய்வு செய்யப்பட்டது. அவர்கள் 4 பேரும் ஒரே PNR எண் மூலம் சென்னையில் இருந்து அகமதாபாத் நோக்கி சென்று இண்டிகோ விமானம் மூலம் வருவது பற்றி தகவல் கிடைக்கப்பெற்றது. மேலும், இலங்கையிலும் இதுபற்றி விசாரணை செய்யப்பட்டது.

பிப்ரவரி 2024 முதல், இந்த 4 பேரும் பாகிஸ்தானில் வசிக்கும் ஐஎஸ்ஐஎஸ் தலைவரான அபு என்ற நபருடன் சமூக வலைதளங்கள் மூலம் தொடர்பில் இருந்துள்ளனர். இந்தியாவில் தீவிரவாத தாக்குதல் நடத்த அபு, இவர்களுக்கு கூறியுள்ளான். தற்கொலைப்படை தாக்குதல் நடத்த ஒப்புக்கொள்ளும் அளவுக்கு தீவிரவாதிகளாக இவர்கள் மாறி இருந்தார்கள். பாகிஸ்தானை சேர்ந்த அபுவும் இவர்களுக்கு 4 லட்சம் ரூபாய் கொடுத்தார். அவர்களிடமிருந்து இரண்டு கையடக்கத் தொலைபேசிகள் மீட்கப்பட்டுள்ளன.  அதில் அவர்கள் ஐஎஸ்ஐஎஸ் உடன் தீவிர அங்கத்துவத்தை உறுதிப்படுத்தும் புகைப்படங்கள் மற்றும் வீடியோக்கள் உள்ளன.

அகமதாபாத் அருகே உள்ள நானா சிலோடா பகுதியின் புகைப்படம் மொபைல் போன்களில் இருந்தது. அதில் பயங்கரவாத தாக்குதலை நடத்த வெடிமருந்துகள் மறைத்து வைக்கப்பட்டிருந்த இடம் இருந்தது. குறிப்பிட்ட இடத்தில் இருந்து பாகிஸ்தானில் தயாரிக்கப்பட்ட வெடிமருந்துகள் மீட்கப்பட்டுள்ளன. பாகிஸ்தானில் தயாரிக்கப்பட்ட மூன்று கைத்துப்பாக்கிகள் மற்றும் 20 சுறுசுறுப்பான தோட்டாக்கள் மீட்கப்பட்டுள்ளன. என பல்வேறு தகவல்களை குஜராத் டிஜிபி விகாஷ் ஷாகாய் செய்தியாளர்களிடம் தெரிவித்தார்.