உலக சந்தையில் கச்சா எண்ணையின் விலை உயர்வைக் காரணம் காட்டி பெட்ரோல், டீசல் விலைகள் தொடர்ந்து உயர்த்தப்பட்டு வருகிறது. சென்னையில் இன்று ஒரு லிட்டர் பெட்ரோல் விலை 22 காசுகள் உயர்ந்து ரூ.80.37 ஆகவும் . டீசல் விலை லிட்டருக்கு 16 காசுகள் குறைந்து ரூ.72.40 ஆகவும் விற்பனை செய்யப்படும் என்று எண்ணை நிறுவனங்கள் அறிவித்துள்ளன.
இந்நிலையில், பெட்ரோல், டீசலை ஜிஎஸ்டி வரம்புக்குள் கொண்டுவர மத்திய பெட்ரோலியத்துறை அமைச்சர் தர்மேந்திர பிரதான் ஆதரவு தெரிவித்துள்ளார். மேலும் பெட்ரோல், டீசல் விற்பனையை ஜிஎஸ்டி வரம்புக்குள் கொண்டு வருவதன் மூலம் விலை உயர்வை கட்டுப்படுத்த முடியும் என்று கூறியுள்ளார்.
இந்த திட்டம் எப்போது நடைபெறும் என்பதை மட்டும் தற்போது கூற இயலாது என்று தெரிவித்துள்ளார். மேலும் மத்திய அரசு இந்த திட்டத்தை கொண்டு வர முடிவு செய்தாலும், தற்போது பெட்ரோல் டீசலுக்கு வரி மூலம் பெரிய அளவில் வருவாய் கிடைப்பதால் ஜிஎஸ்டி வரம்புக்குள் கொண்டு வர மாநில அரசுகள் எதிர்க்கின்றன என்று தெரிவித்துள்ளார்.