குட்நியூஸ்…மீண்டும் 11 ஆயிரத்துக்கு கீழ் குறைந்த தினசரி கொரோனா பாதிப்பு!

இந்தியாவில் கடந்த 24 மணி நேரத்தில் 10,229  பேர் கொரோனா தொற்றால் புதிதாக பாதிக்கப்பட்டுள்ளனர்.இறப்பு எண்ணிக்கை 125 ஆக பதிவாகியுள்ளது.இதுவரையிலும் மொத்த பாதிப்பு எண்ணிக்கை 3,44,47,536 ஆக உள்ளது.

• கடந்த 24 மணி நேரத்தில் 10,229 பேர் புதிதாக பாதிக்கப்பட்டுள்ளனர்.இது நேற்றைய பாதிப்பை விட 1000 குறைவு.கொரோனாவால் நாடு முழுவதும் இதுவரை 3,44,47,536 பேர் பாதிக்கப்பட்டுள்ளனர்.
• கடந்த 24 மணி நேரத்தில் இறப்பு எண்ணிக்கை 125 ஆக பதிவாகியுள்ளது. இதுவரை இந்தியாவில் 4,63,530 பேர் உயிரிழந்துள்ளனர்.
• தொற்றில் இருந்து ஒரே நாளில் 11,926 பேர் குணமடைந்துள்ளனர். இதுவரை இந்தியாவில் மொத்தம் குணமடைந்தோர் எண்ணிக்கை  3,38,49,785 ஆக உயர்ந்துள்ளது.குணமடைந்தோர் விகிதம் தற்போது 98.26% ஆக அதிகரிப்பு.
• இந்தியாவில் கொரோனா தொற்றால் பாதிக்கப்பட்ட 1,34,096 பேர் மருத்துவமனையில் சிகிச்சை பெற்று வருகின்றனர்.523 நாட்களுக்கு பிறகு சிகிச்சை பெறுபவர்களின் எண்ணிக்கை தற்போது குறைந்துள்ளது.
• நாடு முழுவதும் இதுவரை 1,12,34,30,478 பேருக்கு கொரோனா தடுப்பூசிகள் செலுத்தப்பட்டுள்ளது.கடந்த 24 மணி நேரத்தில் 30,20,119 பேருக்கு தடுப்பூசிகள் செலுத்தப்பட்டுள்ளன.