ஊரடங்கின் போது நடைபெற்ற முன்னாள் முதல்வர் வீட்டு பிரமாண்ட திருமண வைபோகம்.!

கர்நாடக முன்னாள் முதல்வர் குமாரசாமி மகன் நிகில் குமாரசாமிக்கும், காங்கிரஸ் கட்சியை சேர்ந்த முன்னாள் வீடு வசதி துறை அமைச்சர் கிருஷ்ணப்பாவின் பேத்தி ரேவதிக்கும் ஊரடங்கிற்கு முன்னரே திருமணம் நிச்சயிக்கப்பட்டு இன்று திருமணம் கோலாகலமாக சுற்றத்தார் மட்டும் சூழ பண்ணை வீட்டில் நடைபெற்றுள்ளது.
பெங்களூருக்கு வெளியில் ராமநகரில் உள்ள ஒரு பண்ணை வீட்டில் சுற்றத்தார் மட்டும் சூழ இந்த திருமணம் நடைபெற்றுள்ளது. இந்த திருமண நிகழ்ச்சியில் பங்கேற்க இருவீட்டார் உருவாவினர்களும் 40 கார்களில் வந்துள்ளனர். இந்த 40 காரின் விவரங்கள் மட்டும் ராமநகர் காவல்துறையினருக்கு கொடுக்கப்பட்டுள்ளது. இவர்களை தவிர வேறு எந்த வாகனமும் அனுமதிக்கப்படவில்லை.
ஊரடங்கு அமலில் இருக்கும் போது மக்கள் அதிகமாக கூடும் எந்தஒரு விழாக்களுக்கும் அரசு அனுமதி அளிப்பதில்லை. அப்படி இருக்கையில், கர்நாடக முன்னாள் முதல்வர் குமாரசாமியின் மகன் திருமணம் சர்ச்சையை ஏற்படுத்தியுள்ளது. மேலும், இது குறித்து முன்னாள் முதல்வர் குமாரசாமி தரப்பு, இந்த திருமணம் நடப்பதற்கு ஏற்கனவே அரசிடம் உரிய அனுமதி வாங்கிவிட்டதாக தெரிவித்தனர்.