மீண்டும் பாஜகவில் இணைந்த கர்நாடக முன்னாள் முதல்வர் ஜெகதீஷ் ஷெட்டர்..!

Jagadish Shettar [file image]

இந்த ஆண்டு நடைபெறவுள்ள நாடாளுமன்ற தேர்தலுக்கு முன் காங்கிரஸ் பெரும் பின்னடைவைச் சந்தித்துள்ளது. கர்நாடக முன்னாள் முதல்வர் ஜெகதீஷ் ஷெட்டர் பாஜகவில் இணைந்ததே இதற்கு காரணம். டெல்லியில் உள்ள பாஜக தலைமையகத்தில் பாஜக தேசிய தலைவர் ஜேபி நட்டா , பி.எஸ் எடியூரப்பா மற்றும் மாநில பாஜக தலைவர் பி.ஒய் விஜயேந்திரா முன்னிலையில் பாஜகவில் இணைந்தார்.

பாரதிய ஜனதா கட்சியில் உறுப்பினராக சேர்ந்த பிறகு செய்தியாளர்களிடம் பேசிய ஜெகதீஷ் ஷெட்டர் “கடந்த காலங்களில் கட்சி எனக்கு பல பொறுப்புகளை வழங்கியுள்ளது. சில காரணங்களால் காங்கிரசுக்கு சென்றேன். கடந்த 8-9 மாதங்களில் நிறைய விவாதங்கள் நடந்தன. இந்த நேரத்தில், பாஜகவினர் என்னை மீண்டும் கட்சிக்கு வரச் சொன்னார்கள்.

வீடியோ வெளியிட்டு மக்களவை தேர்தலுக்கான பிரச்சாரத்தை தொடங்கியது பாஜக!

எடியூரப்பாவும், விஜயேந்திரரும் என்னை மீண்டும் பாஜகவில் பார்க்க விரும்பினர். இதுபோன்ற சூழ்நிலையில், நரேந்திர மோடி மீண்டும் பிரதமராக வேண்டும் என்ற நம்பிக்கையில் மீண்டும் பாஜகவில் அங்கம் வகிக்கிறேன்” என்றார். பாஜகவில் சேருவதற்கு ஒரு நாள் முன்பு அதாவது நேற்று மத்திய உள்துறை அமைச்சரும், மூத்த பாஜக தலைவருமான அமித் ஷாவைச் சந்தித்தார் என்பது குறிப்பிடத்தக்கது.

கடந்த ஆண்டு ஏப்ரலில் ஜெகதீஷ் ஷெட்டர் பாஜகவில் இருந்து விலகி காங்கிரஸில் இணைந்தார். கர்நாடகாவில் லிங்காயத் சமூகத்திற்கு அதிக செல்வாக்கு உள்ளது. ஜெகதீஷ் ஷெட்டர் லிங்காயத் சமூகத்தின் பெரிய தலைவர் ஆவார். ஜெகதீஷ் ஷெட்டர் கர்நாடகாவின் முன்னாள் முதல்வராக இருந்தவர். ஹூப்ளி-மத்திய தார்வாட் தொகுதியில் இருந்து 6 முறை எம்எல்ஏவாக இருந்துள்ளார்.

இதற்கு முன் இவரது தந்தையும் கர்நாடக அரசியலில் பெரும் பெயர் பெற்றவர். ஜெகதீஷ் ஷெட்டரின் தந்தை சிவப்பா ஷெட்டர் ஹூப்ளியின் மேயராக இருந்தார்.