மோடியை வீழ்த்த விவசாயிகள், இளைஞர்கள் முன்வர வேண்டும்…!!

மோடியை வீழ்த்த விவசாயிகளும் இளைஞர்களும் துணிச்சலுடன் முன்வர வேண்டும் என்று காங்கிரஸ் தலைவர் ராகுல் காந்தி அழைப்பு விடுத்துள்ளார். ராஜஸ்தான் மாநிலம் ஜெய்பூரில் நடந்த பொதுக்கூட்டத்தில் காங்கிரஸ் தலைவர் ராகுல் காந்தி கலந்து கொண்டார். அந்த கூட்டத்தில் பேசிய அவர், கடந்த 5 ஆண்டுகளில் மோடி செய்யாததை காங்கிரஸ் செய்திருப்பதாக கூறினார். சமீபத்தில் நடந்த மூன்று மாநில சட்டமன்ற தேர்தல்களிலும் விவசாயிகள் தங்கள் பலத்தை நிரூபித்துள்ளதாக ராகுல் காந்தி தெரிவித்தார்.

விவசாய பிரச்சனைகளை தீர்ப்பதாகவும், இளைஞர்களுக்கு வேலைவாய்ப்பு வழங்குவதாகவும் உறுதியளித்த மோடி, தற்போது அதிலிருந்து பின் வாங்குவதாக குற்றம்சாட்டிய ராகுல் காந்தி, மோடியை வீழ்த்த இளைஞர்களும், விவசாயிகளும் துணிச்சலுடன் முன்வர வேண்டும் என்று அழைப்பு விடுத்துள்ளார்.