பஞ்சாப் குருத்வாராவில் வெடிகுண்டு கண்டெடுப்பு!

பஞ்சாபில் உள்ள குருத்வாரா தர்பார் சாஹிப் வாகன நிறுத்துமிடத்தில் வெடிகுண்டு கண்டெடுக்கப்பட்டதால் பரபரப்பு.

பஞ்சாபின் தர்ன் தரனில் உள்ள குருத்வாரா ஸ்ரீ தர்பார் சாஹிப்பின் வாகன நிறுத்துமிடத்தில் இன்று செயலிழக்காத வெடிகுண்டு கண்டுபிடிக்கப்பட்டுள்ளது. காவல்துறை தகவல்களின்படி, துப்புரவு சேவையின் போது வெடிகுண்டு கண்டுபிடிக்கப்பட்டதாக கூறப்படுகிறது.

வெடிகுண்டு கண்டெடுக்கப்பட்டதை தொடர்ந்து, அனைவரும் வளாகத்தில் இருந்து வெளியேற்றப்பட்டனர். வெடிகுண்டு செயலிழக்கும் படைக்கு தகவல் தெரிவிக்கப்பட்டு, அவர்கள் சம்பவ இடத்திற்கு வந்து செயலிழக்க செய்தனர். இதுதொடர்பாக மேலதிக விசாரணைகளை மேற்கொண்டு வருகின்றனர்.

அம்ரித்பால் சிங் மற்றும் அவரது கூட்டாளிகளுக்கு எதிரான அடக்குமுறைகளுக்கு மத்தியில், இந்த வெடிகுண்டு கண்டெடுப்பு சம்பவம் நடந்துள்ளது. அம்ரித்பால் சிங்கை பஞ்சாப் காவல்துறை வலைவீசி தேடி வரும் நிலையில், இந்த சம்பவம் மேலும் பரபரப்பை ஏற்படுத்தியுள்ளது.