ஒவைசி கட்சிக்கு பட்டம் சின்னத்தை ஒதுக்கிய தேர்தல் ஆணையம்…!

தமிழக சட்டமன்ற தேர்தலில் போட்டியிட இருக்கும் ஓவைசி கட்சிக்கு பட்டம் சின்னம் ஒதுக்கபடுவதாக இந்திய தலைமை தேர்தல் ஆணையம் அறிவித்துள்ளது.

தமிழகத்தில் வரும் ஏப்ரல் 6-ஆம் தேதி சட்டமன்ற தேர்தல் நடைபெற உள்ளது. ஓவைசி கட்சி கடந்த 2019 மக்களவைத் தேர்தலில் போட்டியிடாத நிலையில், இந்த தேர்தலில் போட்டியிடுகிறது. தமிழக சட்டமன்ற தேர்தலில் போட்டியிட இருக்கும் ஓவைசி கட்சிக்கு பட்டம் சின்னம் ஒதுக்கபடுவதாகவும், இந்த சின்னத்தை அக்கட்சி மேற்கு வங்க சட்டமன்ற தேர்தலிலும் பயன்படுத்திக் கொள்ளலாம் என்றும் இந்திய தலைமை தேர்தல் ஆணையம் அறிவித்துள்ளது.

இந்நிலையில், தமிழகத்தில் முஸ்லிம்களின் வாக்கு, உருது பேசும் முஸ்லிம்கள் வாக்கு பிரிந்து விடுமோ என்ற கேள்வி எழுந்துள்ளது. தமிழகத்தில் கடந்த 2014 ஆம் ஆண்டு நடைபெற்ற சட்டப்பேரவைத் தேர்தலில் வாணியம்பாடி, கிருஷ்ணகிரி ஆகிய தொகுதிகளில் ஓவைசி கட்சி போட்டியிட்டு 10 ஆயிரத்திற்கும் மேற்பட்ட வாக்குகளை பெற்றது குறிப்பிடத்தக்கது.