டி.எஸ்.பியை லாரி ஏற்றி கொலை செய்த விவகாரம்.. குற்றவாளியை சூட்டுபிடித்த காவல்துறை.!
ஹரியானா மாநிலத்தில் டி.எஸ்.பி சுரேந்தர் சிங் பிஸ்னாய் லாரி ஏற்றி கொலை செய்த வழக்கில் குற்றத்தில் ஈடுபட்ட நபரை போலீசார் சுட்டு உயிருடன் பிடித்துள்ளனர்.
ஹரியானா மாநிலத்தில் நுஹ் மாவட்டத்தில் ஆரவல்லி மலை பகுதியில் சட்ட விரோதமாக கற்களை கடத்தும் பணிகள் நடைபெறுவதை அறிந்த டி.எஸ்.பி சுரேந்தர் சிங் பிஸ்னாய் சம்பவ இடத்திற்கு சென்று சோதனை நடத்தினார்.
அப்போது கடத்தலில் ஈடுபட்ட லாரி, நிற்காமல் சென்றதை அடுத்து அதனை தடுக்க முயன்ற போது, டி.எஸ்.பி சுரேந்தர் சிங் பிஸ்னாய்யை ஓட்டுநர் லாரி ஏற்றி கொலை செய்துவிட்டார். மற்ற காவலர்கள் அருகில் குதித்து தப்பித்து விட்டனர்.
இதில் சம்பந்தப்பட்ட நபரை இன்று போலீசார் தீவிர தேடுதல் வேட்டைக்கு பின்னர் பிடித்துள்ளனர். அப்போது அவன் தப்பிக்க முயன்ற காரணத்தால் காலில் சுட்டு உயிருடன் பிடித்துள்ளார். மேலும் இந்த குற்ற செயலுக்கு காரணமான மற்றவர்களை போலீசார் தீவிரமாக தேடி வருகின்றனர்.
