குடிபோதையில் மகளிடம் தவறாக நடந்து கொண்ட கணவன்! கொடூரமாக கொலை செய்த மனைவி!

Hyderabad Woman Kills

ஹைதராபாத் : மாநிலம் சங்கரெட்டி மாவட்டத்தில் குடிபோதையில்  மகளிடம் தவறாக நடந்து கொண்டதாகக் கூறி 50 வயது நபரை அவருடைய மனைவி கோடரியால் தாக்கி கொல்லப்பட்ட சம்பவம் நிகழ்ந்துள்ளது.  சுல்தான்பூர் கிராமத்தில் புதன்கிழமை இரவு வீட்டிற்குச் சென்ற நபர் தனது மனைவியுடன் தகராறு செய்துள்ளார்.

இதனையடுத்து, அதனை எதிர்த்து மகள் கேட்ட நிலையில், அவரிடமும் தவறாக நடக்க முயன்றுள்ளார். இதனால் ஆத்திரம் அடைந்த மனைவி அந்த நபரை கோடரியால் தாக்கி கொலை செய்தார். விசாரணையில், உயிரிழந்த அந்த நபர் அடிக்கடி குடித்துவிட்டு வீட்டுக்கு வந்து மனைவி மற்றும் மகளை கொடுமைப்படுத்துவார்.

புதன்கிழமையும் குடித்துவிட்டு வீட்டுக்கு வந்து மகளிடம் தகராறு செய்துள்ளார். இருவரும் அந்த நபரின் கொடுமையை கொஞ்ச நேரம் பொறுத்துக்கொண்டார்கள். ஒரு கட்டத்தில் மகளிடம் தவறாக நடந்து கொண்ட காரணத்தால் கொலை செய்யப்பட்டதாக தெரியவந்துள்ளது.

இந்த துஷ்பிரயோகம் மற்றும் சித்திரவதையால் சோர்வடைந்த அவரது மனைவி, கோடாரியை எடுத்து அவரை பலமுறை தாக்கிய நிலையில் சம்பவ இடத்திலே அவர் உயிரிழந்துள்ளதாக போலீசார் தகவலை தெரிவித்தனர்.

மேலும் , இந்த சம்பவத்தை தொடர்ந்து மக்கள் அளித்த தகவலின் பேரில் போலீசார் சம்பவ இடத்திற்கு விரைந்து வந்து விசாரணை நடத்தினர். அந்த பெண் மீது புல்கல் காவல் நிலையத்தில் கொலை வழக்கு பதிவு செய்யப்பட்டது. தற்போது அவரிடம் விசாரணை நடத்தப்பட்டும் வருகிறது.