Diwali 2023 : தீபாவளி தினத்தில் பிரபலமான இந்த 5 இடங்களை மட்டும் மறந்துவிடாதீர்கள்..

தீபாவளி பண்டிகை நெருங்கி வருவதால், உலகின் அனைத்து மூலைகளிலிருந்தும் பல்வேறு தரப்பு மக்களும் இந்த கொண்டாட்டத்தின் சிறப்பை காண இந்தியாவுக்கு ஈர்க்கப்படுகிறார்கள். டெல்லியின் பரபரப்பான தெருக்களில் இருந்து வாரணாசியின் அமைதியான மலைப்பகுதிகள் வரையும் மற்றும் ஜெய்ப்பூரின் கம்பீரமான அரண்மனைகள் முதல் கோவாவின் பிரமிக்க வைக்கும் கடற்கரைகள் வரையும் இந்த தீபாவளி பண்டிகைக் காலத்தின் போது சிறந்த அனுபவங்களை வழங்குகிறது.

ஒளிமயமான ஒரு அனுபவம்:

பாரம்பரியம், கலாச்சாரம் மற்றும் துடிப்பான கொண்டாட்டங்கள் ஒளி விளக்குகள் மற்றும் அளவில்லா மகிழ்ச்சி என மறக்க முடியாத நினைவுகளை பெற்றுக்கொள்ளும் வகையில் தீபாவளி பண்டிகையின்போது இந்தியாவில் பார்க்க வேண்டிய மிகவும் பிரபலமான சில இடங்கள் உள்ளன.  நீங்கள் கலாசாரத்தின் மீது மிகுந்த ஆர்வம் கொண்ட பயணியாக இருந்தாலும் அல்லது தீபாவளியின் மாயாஜாலத்தை அனுபவிக்க விரும்பினாலும், இந்தியாவில் உள்ள இந்த பிரபலமான பல்வேறு சிறப்பம்சங்கள் கொண்ட இடங்கள் மறக்க முடியாத மற்றும் ஒளிமயமான ஒரு அனுபவத்தை கொடுக்கும் என்பதில் உறுதியளிக்கின்றன.

வாரணாசி: 

ஆன்மிக நகரமான வாரணாசியில் புனிதமான கங்கை நதியில் குளித்துவிட்டு, பாரம்பரிய உடைகள் முதல் இனிப்புகள் வரை அனைத்தையும் விற்கும் பரபரப்பான பஜார்களை பார்க்க முடியும். மத நிகழ்ச்சிகள் மற்றும் ஆற்றங்கரையில் கோஷமிடுவதன் பின்னணியில் மின்னும் விளக்குகள் ரசிக்க வகையில் இருக்கும். சூரியன் மறையும் போது படகு சவாரி செய்யுங்கள், இது இன்னும் அற்புதமான, அழகான நினைவுகளை உங்களுக்கு தரும் என்பதில் உறுதி.

40 வயதிற்கு உட்பட்டவரா நீங்கள்.? இந்த வாய்ப்பு உங்களுக்கு தான்.! இத்தாலி அசத்தல் அறிவிப்பு.!

பின்னர் கண்ணை கவரும் வகையில் வணவேடிக்கையுடன் தீபாவளி விழா இரவு நிறைவு பெறுகிறது. நீங்கள் வாரணாசியில் நீண்ட நாட்கள் இருக்கும் பட்சத்தில், புகழ்பெற்ற கங்கா மஹோத்சவ் திருவிழாவின் ஒரு பகுதியாக நடைபெறும் தேவ தீபாவளி என்றும் அழைக்கப்படும் கடவுள்களின் தீபாவளிவில் நீங்கள் பங்கேற்கலாம்.

ஜெய்ப்பூர்:

ஜெய்ப்பூரில் தண்டேராஸுடன் தொடங்கும் கண்கவர் விழாக்களில் நீங்கள் நிச்சயமாக கலந்துகொள்ள வேண்டும். நஹர்கர் கோட்டை மற்றும் பிற புகழ்பெற்ற நினைவுச் சின்னங்கள் நகரின் கண்கவர் விளக்குகளின் காட்சிகள் பார்ப்பதற்கு பிரகாசமாகவும், அழகாகவும் இருக்கும். அதுமட்டுமல்லாமல், தீபாவளி பண்டிகையின்போது நகர பஜார்களில் இசைக்கலைஞர்கள் நாட்டுப்புறம் மற்றும் பாரம்பரியமான இசையில் மக்களை உற்சாகப்படுத்துவார்கள். அதுவும் சில அழகாக வடிவமைக்கப்பட்ட விளக்குகள் மத்தியில் நடைபெறும். மேலும், ஜெய்ப்பூர் பயணத்தில், சிறந்த உணவுகள் மற்றும் பழங்காலப் பொருட்களை காணமுடியும்.

கோவா:

இது ஆச்சரியமாக இருந்தாலும், கோவா மற்றொரு அருமையான தீபாவளி பண்டிகையை கொண்டாடும் மற்றொரு தலமாகும். அதாவது, நரக சதுர்தசி அன்று மக்கள் தங்கள் வீட்டு வாசல்களிலும் ஜன்னல்களிலும் விளக்குகளைத் தொங்கவிடும்போது பண்டிகை தொடங்குகின்றன.

சாதிவாரி கணக்கெடுப்பு: “ஆதரவு பெருகுகிறது… இவரும் நன்றே சொல்லியிருக்கிறார்” – பாமக நிறுவனர் ராமதாஸ்

உள்ளூர்வாசிகள் பட்டாசு மற்றும் புல்லால் பெரிய நரகாசுரன் உருவங்களை உருவாக்குகிறார்கள், பின்னர் அவை தீபாவளி அடுத்த நாள் அதிகாலையில் எரிக்கப்படுகின்றன. இது ஒரு மறக்க முடியாத கொண்டாட்டமாக கருதப்படுகிறது, மேலும், கடற்கரைகள் மற்றும் ஆடம்பரமான உணவகங்கள் மற்றும் ஓய்வறைகளைப் பார்வையிடுவதன் மூலம் நீங்கள் ஒரு அற்புதமான நேரத்தைப் பெறலாம்.

கொல்கத்தா:

பொதுவாக கொல்கத்தா மக்கள் தங்கள் ஆன்மிகம் மற்றும் பூஜை ஹேங்கொவரில் இருந்து மீண்டும், மீண்டும் தொடங்குவது தீபாவளிக்குத்தான்! நீங்கள் கொல்கத்தா நகரின் புகழ்பெற்ற காளி பூஜைக்குச் செல்லலாம் அல்லது நூற்றுக்கணக்கான பக்தர்கள் காளி தேவியை வணங்கும் காளிகாட் கோயில் அல்லது தக்ஷினேஸ்வர் கோயில் போன்ற நகரத்தின் மிக முக்கியமான மதக் கோயில்களுக்குச் சென்று தீபாவளி பண்டிகையை ஆன்மிகத்துடன் கொண்டாடலாம்.

மைசூர்:

தென்னிந்தியாவில் வெப்பமான காலநிலையை விரும்புவோருக்கு, இடைக்கால நகரமான மைசூர், தீபாவளியை கொண்டாடும் ஒரு அற்புதமான இடமாகும். மைசூர் அரண்மனை, நகரத்தின் முதன்மை ஈர்ப்பு மற்றும் யுனெஸ்கோவின் உலக பாரம்பரிய தளம், விடுமுறை காலம் முழுவதும் அற்புதமாக ஒளிரும் விளக்குகள் தீபாவளி பண்டிகைக்கு இன்னும் சிறப்பான அனுபவத்தை தரும்.

மேலும், மைசூர் நகரத்துக்கு ஒவ்வொரு ஆண்டும் ஆயிரக்கணக்கான பார்வையாளர்களை ஈர்க்கிறது.எனவே, நீங்கள் பயணத்தை விரும்புவோர் என்றால், தீபாவளி பண்டிகையின்போது, இந்தியாவில் உள்ள இந்த 5 முக்கிய இடங்களை மறக்காமல் பார்த்து அனுபவத்தை சேர்த்துக்கொள்ளுங்கள். தீபாவளி பண்டிகை வரும் 12ம் தேதி ஞாயிற்றுக்கிழமை நாடு முழுவதும் கொண்டாடப்படுகிறது.