காற்று மாசுபாட்டை குறைக்க,இந்தியாவின் முதல் புகை கோபுரம்;திறந்து வைத்த டெல்லி முதல்வர் கெஜ்ரிவால்..!
![Default Image](https://dinasuvadu.com/wp-content/uploads/2024/02/Logo.png)
டெல்லியில் அதிகரித்து வரும் காற்று மாசுபாட்டை குறைப்பதற்காக ஒரு புகை கோபுரத்தை டெல்லி முதல்வர் அரவிந்த் கெஜ்ரிவால் இன்று திறந்து வைத்தா
டெல்லியில் அதிகரித்து வரும் காற்று மாசுபாட்டை குறைப்பதற்காக கன்னாட் பிளேஸ் பகுதியில் உள்ள பாபா கரக் சிங்கில் ஒரு புகை கோபுரத்தை டெல்லி முதல்வர் அரவிந்த் கெஜ்ரிவால் இன்று திறந்து வைத்தார்.
அதன்பின்னர்,பேசிய டெல்லி முதல்வர் கெஜ்ரிவால், “இது அமெரிக்க தொழில்நுட்பத்தை” பயன்படுத்தி வடிவமைக்கப்பட்டுள்ளது, இது மேலே இருந்து மாசுபட்ட காற்றை உறிஞ்சி, மாசுக்களை வடிகட்டி, கீழே இருந்து சுத்தமான காற்றை வெளியிடும்.
நகரத்தின் காற்றின் தரத்தை மேம்படுத்துவதற்கான தில்லி அரசின் பல முயற்சிகளில் இதுவும் ஒன்றாகும். நாங்கள் இதை சோதனை அடிப்படையில் இயக்குகிறோம், டெல்லி மாசுக்கட்டுப்பாட்டு குழுவின் (டிபிசிசி) குழுக்கள் இது எவ்வளவு பயனுள்ளதாக இருக்கும் என்று கண்காணித்து வருகிறது, ”,என்று கூறினார்.
அவர் மேலும் கூறுகையில், “இது வெற்றிகரமாக நிரூபிக்கப்பட்டால், இதுபோன்ற கோபுரங்கள் டெல்லி முழுவதும் அமைக்கப்படும். இது ஐஐடி-மும்பை மற்றும் ஐஐடி-டெல்லி விஞ்ஞானிகளின் நிபுணர்களின் மேற்பார்வையின் கீழ் உருவாக்கப்பட்டது, எனவே இது விரும்பிய முடிவுகளை அளிக்கும் என்று நாங்கள் நம்புகிறோம்.
உச்ச நீதிமன்றத்தின் வழிகாட்டுதலின்படி கட்டப்பட்ட இந்த புகை கோபுரம் 20 மீட்டர் உயரம் கொண்டது, இதன் விலை 20 கோடி ஆகும்.
சுற்றுச்சூழல் அமைச்சர் கோபால் ராயின் கூற்றுப்படி,”இது நாட்டின் முதல் புகை கோபுரம்” ஆகும்.மேலும்,கடந்த அக்டோபர் 2020 இல் டெல்லி அமைச்சரவை இந்த திட்டத்திற்கு ஒப்புதல் அளித்தது.ஒரு மீட்டர் சுற்றளவில் காற்றின் தரத்தை மேம்படுத்துவதற்காக அமைக்கப்பட்ட 20 மீட்டர் நீள அமைப்பிலான இந்த கோபுரம், மழைக்காலத்திற்குப் பிறகு முழுத் திறனுடன் செயல்படும்”,என்று கூறினார்.
புகை கோபுரம் என்பது:
ஒரு புகை கோபுரம் என்பது காற்று மாசுபாட்டுத் துகள்களைக் குறைப்பதற்காக ஒரு பெரிய அளவிலான காற்று சுத்திகரிப்பாளராக வேலை செய்ய வடிவமைக்கப்பட்டுள்ளது. நாடு மற்றும் உலகெங்கிலும் மிகவும் மாசுபட்ட நகரங்களில் ஒன்றாகவும், கடந்த சில ஆண்டுகளாக காற்றின் தரத்தில் பெரும் வீழ்ச்சியைக் கண்ட டெல்லிக்கு இது இன்றியமையாத கருவியாகும்.
இதற்கிடையே, ஆனந்த் விஹாரில் 25 மீட்டர் உயர புகை கோபுரத்தை மத்திய அரசு கட்டியுள்ளது, இது ஆகஸ்ட் இறுதிக்குள் செயல்படத் தொடங்கும் என்று மத்திய மாசு கட்டுப்பாட்டு வாரியம் (சிபிசிபி) வியாழக்கிழமை தெரிவித்துள்ளது.
இரண்டு புகை கோபுரங்களும் டாடா ப்ராஜெக்ட்ஸ் லிமிடெட் (TPL),ஐஐடி மும்பை மற்றும் ஐஐடி டெல்லி உடன் இணைந்து கட்டப்பட்டது.இதற்கு நேஷனல் கட்டிடங்கள் கட்டுமான நிறுவனம் (NBCC) இந்தியா லிமிடெட் திட்ட மேலாண்மை ஆலோசகராக நியமிக்கப்பட்டுள்ளது.
ஆனந்த் விஹாரில் உள்ள சிபிசிபி கோபுரத்திற்கான நோடல் ஏஜென்சியாகவும், கன்னாட் பிளேஸில் உள்ள புகை கோபுரத்திற்கு டெல்லி மாசுக்கட்டுப்பாட்டு குழு நோடல் ஏஜென்சி என்றும் பிடிஐ தெரிவித்துள்ளது. இரண்டு கோபுரங்களும் அமெரிக்காவில் மினசோட்டா பல்கலைக்கழக நிபுணர்களால் உருவாக்கப்பட்ட 1,200 ஏர் ஃபில்டர்களைப் பயன்படுத்தும். அவற்றைச் சுற்றியுள்ள ஒரு கிலோமீட்டர் சுற்றளவில் PM 2.5 மாசுபாட்டின் செறிவை 70 சதவீதம் வரை குறைப்பதாக மதிப்பிடப்பட்டுள்ளது.
லேட்டஸ்ட் செய்திகள்
“அத்தான் அத்தான்”.. அழகாக வெளியான கார்த்தியின் ‘மெய்யழகன்’ டீசர்.!
September 7, 2024![Meiyazhagan Teaser](https://www.dinasuvadu.com/wp-content/uploads/2024/09/Meiyazhagan-Teaser.webp)
எனக்கு ஏன் காங்கிரஸ் சீட் கொடுக்கவில்லை.? பஜ்ரங் புனியா விளக்கம்.!
September 7, 2024![K C Venugopal - Vinesh Phogat - Bajrang Punia](https://www.dinasuvadu.com/wp-content/uploads/2024/09/K-C-Venugopal-Vinesh-Phogat-Bajrang-Punia.webp)
“RCB கேப்டன் கே.எல்.ராகுல்”! கோஷமிட்ட ரசிகர்கள்..வைரலாகும் வீடியோ!
September 7, 2024![rcb kl rahul](https://www.dinasuvadu.com/wp-content/uploads/2024/09/rcb-kl-rahul.webp)
“வயிற்றெரிச்சல் பழனிச்சாமி., உங்களுக்கு அருகதை இல்லை .” ஆர்.எஸ்.பாரதி கடும் கண்டனம்.!
September 7, 2024![DMK Person RS Bharathi - ADMK Chief secretary Edappadi Palanisamy](https://www.dinasuvadu.com/wp-content/uploads/2024/09/DMK-Person-RS-Bharathi-ADMK-Chief-secretary-Edappadi-Palanisamy.webp)
நிச்சயம் முடிந்து 5 மாதம்: திருமணத்தை நிறுத்திய மலையாள மேக்கப் கலைஞர்.!
September 7, 2024![seema vineeth husband](https://www.dinasuvadu.com/wp-content/uploads/2024/09/seema-vineeth-husband.webp)
விநாயகர் சதுர்த்திக்கு ஏன் கொழுக்கட்டை வைக்கிறாங்கன்னு தெரியுமா?.
September 7, 2024![vinayagar (1) (1) (1)](https://www.dinasuvadu.com/wp-content/uploads/2024/09/vinayagar-1-1-1.webp)