ஜனநாயகத்தில் ஒருநபரை கடவுளாக்குவது சர்வாதிகாரத்திற்கு வழிவகுக்கும் – மல்லிகார்ஜுனே கார்கே

ஜாதி மதம் அடிப்படையில் கர்நாடகாவை பாஜக பிரிக்கிறது என கார்கே குற்றசாட்டு 

கர்நாடகாவில் சட்டசபை தேர்தல் நெருங்கி வரும் நிலையில் கர்நாடக மாநிலம் சித்ரதுர்கா மாவட்டத்தில் நேற்று காங்கிரஸ் தலைவர் மல்லிகார்ஜுனா கார்கே அவர்கள் ஒரு மாநாட்டில் கலந்து கொண்டார்.

இந்த மாநாட்டில் பேசிய அவர், கர்நாடகாவில் இன்னும் சில மாதங்களில் சட்டசபை தேர்தல் நடைபெற உள்ளது. இந்த தேர்தலை நாம் ஒற்றுமையாக எதிர்கொண்டால்தான் வெற்றி பெற்று ஆட்சி அமைக்க முடியும்.

மத்தியில் பாஜக ஆட்சிக்கு வந்து வந்ததும் ஆண்டுக்கு 2 கோடி பேருக்கு வேலை வாய்ப்பு வழங்கப்படும் என்று பிரதமர் மோடி தெரிவித்து இருந்தார். இதுவரை 14 கோடி பேருக்கு வேலை கிடைத்திருக்க வேண்டும் ஆனால் தற்போது நாட்டில் வேலை இல்லா திண்டாட்டம் நிலவுகிறது என தெரிவித்துள்ளார்.

மேலும் ஜனநாயகத்தில் ஒருவரை கடவுள் ஆக்கினால் அது ஜனநாயகம் இல்லை, அது சர்வாதிகாரம். ஜாதி மதம் அடிப்படையில் கர்நாடகாவை பாஜக பிரிக்கிறது. காலியாக உள்ள 30 லட்சம் அரசு பணிகளை பிரதமர் மோடி நிரப்பவில்லை. ஒருவேளை நிரப்பினால் பாஜகவின் விளையாட்டு முடிவுக்கு வந்துவிடும். ஆகையால் ஒப்பந்தம் , தினக்கூலி அடிப்படையில் ஆட்களை வேலைக்கு எடுக்கின்றனர் என குற்றம் சாட்டியுள்ளார்.