நவராத்திரியை முன்னிட்டு 3,000 கிலோ ஆப்பிள்களால் ஸ்ரீ சுவாமி நாராயணன் மந்திர் கோயிலில் அலங்கரிப்பு.!

அகமதாபாத்தில் உள்ள ஸ்ரீ சுவாமி நாராயணன் மந்திருக்கு  3,000 கிலோகிராம் ஆப்பிள்களால் அலங்கரிக்கப்பட்டுள்ளது.

பூஜை முடிந்த பிறகு, ஆப்பிள்களை கொரோனா நோயாளிகள் மற்றும் சுகாதாரப் பணியாளர்களிடையே விநியோகிக்கப்படும் என கோயில் தரப்பில் தெரிவிக்கப்பட்டுள்ளது.

உலகெங்கிலும் பல ஸ்ரீ சுவாமி நாராயணன் கோயில்கள் உள்ளன, ஆனால் அகமதாபாத்தில் உள்ள ஒரு கோயில் சிறப்பு வாய்ந்தது,  வருகின்ற அக்டோபர் 17 ஆம் தேதி தொடங்கும் நவராத்திரிக்கு முன்னதாக இன்று முதல் தரிசனம் செய்வதற்கு பக்தர்களுக்கு கோயில் மீண்டும் திறக்கப்பட்டுள்ளது.

குஜராத்தில் உள்ள கோயில்கள் ஒன்பது நாள் நவராத்திரிக்கு முன்னதாக மீண்டும் திறக்கப்படுகின்றன. ஆனால், மாநில அரசு மக்களுக்கு கடுமையான கொரோனா தொடர்பான விதிகளை வெளியிட்டுள்ளது.

அந்த வகையில், நவராத்திரியின் போது துர்கா தேவியியை பிரார்த்தனை செய்வதற்காக  65 வயதிற்கு மேற்பட்ட மக்கள், 10 வயதிற்குட்பட்ட குழந்தைகள், கர்ப்பிணி பெண்கள் நவராத்திரியின் போது எந்தவொரு பொது நிகழ்ச்சியிலும் பங்கேற்பதைத் தவிர்க்க வேண்டும் என்று மாநில அரசு தெரிவித்துள்ளது.