தொழிலாளர்கள் உயிரிழப்பு- அரசுக்கு மனித உரிமை ஆணையம் நோட்டீஸ்.!
தொழிற்சாலை விபத்துகளில் தொழிலாளர்கள் பலியான விவகாரத்தில், மனித உரிமைகள் ஆணையம் மத்திய மாநில அரசுக்கு நோட்டீஸ் பிறப்பித்துள்ளது.
தொழிற்சாலைகளில் தற்போது தொழிலாளர்கள் உயிரிழப்பது அதிகரித்து வருகிற நிலையில், தெளிவான விளக்கம் கேட்டு மத்திய மற்றும் மாநில அரசுகளுக்கு மனித உரிமைகள் ஆணையம் நோட்டீஸ் பிறப்பித்திருக்கிறது.
கடந்த 5 ஆண்டுகளில் முறையாக பதிவு செய்யப்பட்ட தொழிற்சாலைகளில், சராசரியாக ஒருநாளைக்கு உயிரிழப்போர் எண்ணிக்கை 3 எனவும், நாடு முழுதும் உள்ள தொழிற்சாலைகளில் 3331 மரணங்கள் நிகழ்ந்துள்ளதாகவும், மேலும் இந்த ஒட்டுமொத்த குற்றச்சாட்டுகளில் கைதானவர்கள் எண்ணிக்கை வெறும் 14 பேர் எனவும் புள்ளி விவரங்கள் தெரிவிக்கின்ற நிலையில் இதற்கான விளக்கம் அளிக்குமாறு தேசிய மனித உரிமைகள் ஆணையம் அரசுக்கு நோட்டீஸ் பிறப்பித்துள்ளது.
தேசிய மனித உரிமைகள் ஆணையம் தானாக முன்வந்து இந்த வழக்கை எடுத்து, மத்திய, மாநில மற்றும் யூனியன் பிரதேச அரசுகளுக்கு, தொழிற்சாலைகளில் விபத்து எண்ணிக்கை அதிகரிப்பது குறித்தும், பாதுகாப்பு நடவடிக்கைகள் குறித்தும் விளக்கம் சமர்ப்பிக்குமாறு நோட்டீஸ் அனுப்பியுள்ளது.
