மகாராஷ்டிராவில் ஜூன் 15 வரை ஊரடங்கு நீட்டிப்பு..!

மகாராஷ்டிரா மாநிலத்தில் கொரோனா அதிகரித்து வருவதால் அம்மாநில முதல்வர் உத்தவ் தாக்கரே ஊரடங்கை ஜூன் 15 வரை நீடித்துள்ளார்.

இதுகுறித்து பேசிய அவர், ஊரடங்கால் கொரோனா பாதிப்பு குறைந்து வருகிறது. ஆனாலும் முதல் அலையின் உச்ச பாதிப்பு அளவில் தற்போது கொரோனாவின் இரண்டாம் அலை மக்களை பாதித்துள்ளது. அதனால் ஊரடங்கை ஜூன் 15 வரை நீட்டித்துள்ளோம். மேலும், அத்தியாவசிய பொருட்கள் காலை 7 மணி முதல் 11 மணி வரை இருக்கும் நிலையில் காலை 7 மணி முதல் பிற்பகல் 2 மணி வரை இயங்க அனுமதித்துள்ளார்.

அந்தவகையில் கொரோனா தொற்றுகளின் பாதிப்புக்கு ஏற்றவாறு மாவட்டம் வாரியாக சில தளர்வுகள் மற்றும் கட்டுபாடுகள் அறிவிக்கப்படும் என்று கூறியுள்ளார். மாநிலத்தில் கறுப்புப்பூஞ்சை தொற்று 3000 பேருக்கு இருப்பதையும் அவர் கூறியுள்ளார்.

மகாராஷ்டிரா மாநிலத்தில் கடந்த 24 மணி நேரத்தில் 18,600 பேருக்கு புதிதாக கொரோனா தொற்று பாதித்துள்ளது. 402 பேர் கொரோனா பாதிப்பால் இறந்துள்ளனர். 22,532 பேர் குணமடைந்து வீடு திரும்பியுள்ளனர்.