அமுல்யாவுக்கு மார்ச் 5-ம் தேதி வரை நீதிமன்ற காவல் நீட்டிப்பு.!

மத்தியஅரசு கொண்டுவந்த  குடியுரிமை திருத்த சட்டத்துக்கு எதிராக காங்கிரஸ் உள்ளிட்ட கட்சிகள் கடும் எதிர்ப்பு தெரிவித்து வருகின்றன. குடியுரிமை திருத்த சட்டம் மற்றும் தேசிய குடிமக்கள் பதிவேடு ஆகியவற்றிக்கு எதிராக நாட்டில் பல இடங்களில் பேரணிகளும் , போராட்டங்களும் நடைபெற்று வருகிறது.

சமீபத்தில் டெல்லியில் குடியுரிமை திருத்த சட்டத்துக்கு ஆதரவளர்களுக்கும் , எதிர்ப்பாளர்களுக்கு இடையே நடந்த மோதலில் நேற்று வரை 40-க்கும் மேற்பட்டோர் உயிரிழந்துள்ளனர்.

இந்நிலையில் கர்நாடகாவின் பெங்களூரு நகரில் கடந்த 20-ம் தேதி குடியுரிமை திருத்த சட்டம் மற்றும் தேசிய குடிமக்கள் பதிவேட்டிற்கு எதிர்ப்பு தெரிவித்து பேரணி நடந்தது. இந்த பேரணியில் அகில இந்திய மஜ்லிஸ்-இ-இத்திஹாதுல் முஸ்லிமீன் கட்சியின் தலைவர் ஓவைசி கலந்து கொண்டார்.

இந்த பேரணியில் அமுல்யா லியோனா என்ற இளம்பெண் “பாகிஸ்தான் ஜிந்தாபாத்” என கோஷம் எழுப்பினார். அவரை தடுத்து ஓவைசி நிறுத்தினார்.பின்னர் இளம்பெண் மீது போலீசார் வழக்கு பதிவு செய்து நீதிமன்றத்தில் ஆஜர்படுத்தப்பட்டு அவருக்கு நீதிமன்ற காவல் வழங்கப்பட்ட நிலையில் சிறையில் அடைக்கப்பட்டார்.

இந்த வழக்கில் பெங்களூரு நீதிமன்றம் அமுல்யாவின் நீதிமன்ற காவலை மார்ச் 5-ம் தேதி வரை நீட்டித்து உள்ளது.