டெல்லியில் மீண்டும் அதிகரிக்கும் கொரோனா தொற்று..!

தலைநகர் டெல்லியில் தொற்றால் பாதிக்கப்படுவோர் எண்ணிக்கை ஆயிரத்தை கடந்துள்ளது.

இந்தியா முழுவதும் கொரோனா வைரஸ் தீவிரமாக பரவி வந்த நிலையில், இந்த வைரஸை கட்டுப்படுத்த மத்திய மாநில அரசுகள் பல்வேறு முன்னெச்சரிக்கை நடவடிக்கைகளை மேற்கொண்டு வருகிறது. இந்தியா முழுவதும் தடுப்பூசி போடும் பணிகள் தீவிரமாக நடைபெற்று வருகிறது. அதன்படி இந்தியாவில் தொற்று பாதிப்பு குறைந்து வந்த நிலையில், தற்போது ஒரு சில மாநிலங்களில் மீண்டும் தொற்று அதிகரித்து வருகிறது.

அதன்படி தலைநகர் டெல்லியில் தொற்றால் பாதிக்கப்படுவோர் எண்ணிக்கை ஆயிரத்தை கடந்துள்ளது. கடந்த 24 மணி நேரத்தில் மட்டும் 1,009 பேருக்குக் தொற்று உறுதி செய்யப்பட்டுள்ளது. உயிர் இழப்புகள் எதுவும் ஏற்படவில்லை. அவற்றிலிருந்து 314 பேர் குணமடைந்த நிலையில் 2,641 பேர் சிகிச்சையில் உள்ளனர்.  தொற்று பாதிப்பு அதிகரித்து வருவதையடுத்து, டெல்லியில் மீண்டும் முக கவசம் அணிவது கட்டாயப் படுத்தப்பட்டுள்ளது.