கொரோனாவால் பாதிக்கப்பட்ட பெண்ணுக்கு சிசேரியன் முறையில் பிறந்த குழந்தை.. தாய், குழந்தை நலம்!

23 வயதான கர்ப்பிணி ஒருவருக்கு கொரோனா உறுதிசெய்யப்பட்டுள்ள நிலையில், அவருக்கு சிசேரியன் முறையில் குழந்தை பிறந்தது.

இந்தியாவில் கொரோனா வைரஸின் தாக்கம் நாளுக்கு நாள் அதிகரித்து கொண்டே வருகிறது. அரசியல் தலைவர்கள், முக்கிய பிரமுகர்கள், அமைச்சர்கள் உட்பட பலரையும் தாக்குகிறது. மேலும் இந்த கொரோனா, கர்ப்பிணி பெண்களையும் விட்டுவைக்கவில்லை.

விசாகப்பட்டினத்தில் 23 வயதான கர்ப்பிணி ஒருவருக்கு கொரோனா உறுதிசெய்யப்பட்டுள்ளது. இந்நிலையில், அவர் அங்குள்ள விசாகா இன்ஸ்டிடியூட் ஆப் மெடிக்கல் சயின்ஸ் (VIMS) மருத்துவமனையில் சிகிச்சை பெற்று வந்தார். அப்பொழுது அந்த பெண்ணுக்கு சிசேரியன் முறையில் குழந்தை பிறந்தது.

இதுகுறித்து மருத்துவமனை இயக்குனர் வரா பிரசாத் கூறியதாவது, தாய் மற்றும் குழந்தை இருவரும் ஆரோக்கியமாக உள்ளனர் எனவும், குழந்தையின் மாதிரிகள் கொரோனா பரிசோதனைக்காக அனுப்பப்பட்டுள்ளதாகவும் தெரிவித்தார்.