தொடரும் பரபரப்பான அரசியல் சூழல் – ஆளுநரின் கடிதம் உச்சநீதிமன்றத்தில் தாக்கல்

ஆளுநரின் அழைப்பு கடிதங்கள் உள்ளிட்ட விவரங்கள் சீலிடப்பட்ட உறையில் உச்சநீதிமன்றத்தில் தாக்கல் செய்யப்பட்டுள்ளது.
மகாராஷ்டிராவில் கடந்த சனிக்கிழமை பாஜகவின் தேவேந்திர பட்னாவிஸ் முதல் அமைச்சராக பொறுப்பேற்றார். தேசியவாத காங்கிரஸ் கட்சியின் அஜித் பவார் துணை முதல்வராக பொறுப்பேற்றார். இவர்களுக்கு ஆளுநர் கோஷ்யாரி பதவிப்பிரமாணம் செய்து வைத்தார். ஆளுநரின் இந்த முடிவுக்கு எதிராக  உச்சநீதிமன்றத்தில் சிவசேனா – தேசியவாத காங்கிரஸ் -காங்கிரஸ்  உச்ச நீதிமன்றத்தில் வழக்கு தொடர்ந்தது.
நேற்று வழக்கின் விசாரணை நடைபெற்ற நிலையில் இன்று பாஜக ஆட்சி அமைக்க ஆளுநர் அளித்த கடிதம், எம்.எல்.ஏக்களின் ஆதரவு கடிதம் ஆகியவற்றை தாக்கல் செய்ய உத்தரவு பிறப்பித்தது.இந்த நிலையில்  ஆளுநரின் அழைப்பு கடிதங்கள் உள்ளிட்ட விவரங்கள் சீலிடப்பட்ட உறையில் உச்சநீதிமன்றத்தில் தாக்கல் செய்யப்பட்டுள்ளது.
மேலும் பரபரப்பான அரசியல் சூழலில் இந்த வழக்கில்  மிக முக்கியமான உத்தரவை சற்றுநேரத்தில் பிறப்பிக்கிறது, உச்சநீதிமன்றம்.