வேளாண் மசோதாக்களை தூக்கியெரியும் ..சட்டத்தை தயாரித்தது காங்!-8 மாநிலத்தில் அமல்படுத்த திட்டம்

மத்திய அரசின் வேளாண் சட்டங்களை முறியடிக்க வகை செய்யும் வரைவு மாதிரி மசோதாவை காங்கிரஸ் தயாரித்துள்ளதாக தகவல் வெளியாகியுள்ளது.

மேலும்  மத்திய அரசு நிறைவேற்றிய 3 வேளாண் சட்டங்களும் செல்லாது என்று இந்த வரைவு மாதிரியில் கூறப்பட்டுள்ளது. குறைந்தபட்ச ஆதரவு விலையை விட குறைவான விலைக்கு தரக்கூடாது என்று ஒரு பிரிவு சேர்க்கப்பட்டு உள்ளது.குறைந்தபட்ச ஆதரவு விலை உட்பட விவசாயிகளுக்கு ஆதரவான அம்சங்கள் இதில்  சேர்க்கப்பட்டுள்ளன.

இம்மசோதா, காங்கிரஸ் ஆளும் மாநிலங்களுக்கு எல்லாம் விரைவில் அனுப்பி வைக்கப்பட உள்ளதாகவும். இதன்பிறகு, அம்மாநில சட்ட சபைகளில் இது நிறைவேற்றப்பட்ட உடன் வேளாண் சட்டங்களுக்கு எதிர்ப்பு தெரிவிக்கும் பாஜக கூட்டணி அல்லாத கட்சிகள் ஆளும் மாநிலங்களிலும் இந்த மசோதாவை நிறைவேற்ற வாய்ப்புள்ளதாக காங்., வட்டாரங்கள் தெரிவிக்கின்றன.