மருத்துவமனையில் இருந்து வீடு திரும்பிய முதல்வர் எடியூரப்பா..!

இன்று முதல்வர் எடியூரப்பா கொரோனா தொற்றில் இருந்து குணமடைந்து வீடு திரும்பியுள்ளார்.

நாடு முழுவதும் கொரோனா தொற்றின் 2-வது அலை வேகமாக பரவி வருகிறது. பல  மாநிலங்களிலும் தினமும் கொரோனா பாதிப்பு அதிகரித்து வருகிறது. கொரோனா பரவலை கட்டுப்படுத்த மத்திய, மாநில அரசுகள் பல நடவடிக்கைகளை மேற்கொண்டு வருகிறது.

இதற்கிடையில், கர்நாடக மாநிலத்தில் அதிகமாக கொரோனா பரவுவதால் சமீபத்தில் முதல்வர் எடியூரப்பா தனது வீட்டில் சுகாதார அதிகாரிகளுடன் ஆலோசனை நடத்தினார். இதனையடுத்து, கடந்த வாரம் முதல்வர் எடியூரப்பாவிற்கு காய்ச்சல் ஏற்பட்டது. பின்னர், பெங்களூருவில் உள்ள தனியார் மருத்துவமனையில் அனுமதிக்கப்பட்டு மேற்கொள்ளப்பட்ட பரிசோதனையில் கொரோனா உறுதி செய்யப்பட்டுள்ளது.

இதைத்தொடர்ந்து, மருத்துவர்களின் ஆலோசனையின் அடிப்படையில்  முதல்வர் எடியூரப்பா மருத்துவமனையில் அனுமதிக்கப்பட்டு இருந்தார். இந்நிலையில், இன்று முதல்வர் எடியூரப்பா  கொரோனா தொற்றில் இருந்து குணமடைந்து வீடு திரும்பியுள்ளார்.