மாற்றியமைக்கப்படும் 20 ரூபாய் நோட்டு..!!!புதிய 20 ரூபாய் நோட்டை வெளியிட ரிசர்வ் வங்கி திட்டம்..!

புதிய 20 ரூபாய் நோட்டை கூடுதல் அம்சங்களுடன் விரைவில் ரிசர்வ் வங்கி அறிமுகப்படுத்த திட்டமிட்டுள்ளது.
இந்தியாவில்  பணமதிப்பிழப்பு நடவடிக்கைக்கு பிறகு ரிசர்வ் வங்கியானது புதிய 10, 50 மற்றும் 100 ,500 ஆகிய ரூபாய் நோட்டுகளை ஏற்கனவே வெளியிட்டது. இதேபோல 200 , 2000 ரூபாய் புதிய நோட்டுகளை அறிமுகப்படுத்தியது.இந்த ரூபாய் எல்லாம் நவம்பர் 2016 முதல் நாட்டில் புழக்கத்தில் வந்தது.
முன்பிருந்த ரூபாய் நோட்டுகளை ஒப்பிடும் போது  இவற்றின் அளவு மற்றும் வடிவமைபானது சற்று வேறுபட்டு உள்ளது. இந்நிலையில் ரிசர்வ் வங்கியின் ஆவணப்படி மார்ச் 31 2016 ஆம் ஆண்டின் படி 4.92 பில்லியன் 20 ரூபாய் நோட்டுகள் புழக்கத்தில் இருந்தாக சொல்லப்படுகிறது. மேலும் இது மார்ச் 2018 வாக்கில் சுமார் இரண்டு மடங்கு உயர்ந்து 10 பில்லியன்களை தொட்டதுள்ளது. இந்நிலையில் தான் ரிசர்வ் வங்கியானது  தனது கூடுதல் அம்சங்களுடன் கூடிய  புதிய 20 ரூபாய் நோட்டை விரைவில் அறிமுகப்படுத்த உள்ளதாக தகவல் வெளியாகியுள்ளது.