உத்தரபிரதேச மாநிலத்தில் சுதந்திர தினத்தன்று விடுமுறை இல்லை என அம்மாநில அரசு அறிவிப்பு.
இந்த முறை உத்தரபிரதேச மாநிலத்தில் நாட்டின் 75-ஆவது சுதந்திர தினத்தன்று விடுமுறை இல்லை என அம்மாநில அரசு அறிவித்துள்ளது. சுதந்திரம் அடைந்து 75 ஆண்டுகள் நிறைவடைந்ததை முன்னிட்டு நாடு முழுவதும் கொண்டாட்டங்கள் நடைபெற்று வருவது குறிப்பிடத்தக்கது. இந்நிலையில், உத்தரப்பிரதேச மாநிலத்தில் யோகி ஆதித்யநாத் தலைமையிலான அரசு ஒரு முக்கிய முடிவை எடுத்துள்ளது. அதாவது, ஆகஸ்ட் 15-ஆம் தேதியில் (75வது சுதந்திர தினம்) பள்ளிகள், கல்லூரிகள், பல்கலைக்கழகங்கள் வழக்கம் போல் செயல்படும் என்றும் அனைத்து அரசு மற்றும் தனியார் நிலையங்கள் மற்றும் சந்தை உள்ளிட்டவைகள் மூடப்படாது எனவும் உத்தரபிரதேச அரசு அறிவித்துள்ளது.
சுதந்திரத்தின் அமிர்த மஹோத்சவின் கீழ், மாநிலத்தில் பல்வேறு நிகழ்ச்சிகள் ஏற்பாடு செய்யப்படும் என்றும் தெரிவித்துள்ளது. சுதந்திர தினத்தன்று உபி-யில் அமிர்த திருவிழாவில் இந்த ஆண்டு ஏற்பாடு செய்யப்பட்டுள்ள சுதந்திர தினம் மிகவும் சிறப்பு வாய்ந்தது என்று உத்தரபிரதேச தலைமை செயலாளர் துர்கா சங்கர் மிஸ்ரா கூறியுள்ளார். இம்முறை ஆகஸ்ட் 11 முதல் 17 வரை சுதந்திர வாரத்தில் ஒவ்வொரு வீடுகளிலும் மூவர்ணக் கொடி ஏற்றப்பட உள்ளது.
அனைவரது வீடுகளிலும், அரசு சாரா அலுவலகங்களிலும், நிறுவனங்கள், பொது இடங்களிலும் மூவர்ணக் கொடி ஏற்றப்பட வேண்டும். எதிர்காலத்தில் 25 ஆண்டுகளுக்குப் பிறகுதான் இதுபோன்ற வாய்ப்பு வரும் என்றும் அவர் கூறினார். எனவே, சுதந்திரத்தின் அமிர்த விழாவை உலகம் முழுவதும் காணும் சூழல் உருவாக வேண்டும் என்றும் குறிப்பிட்டார். இந்த மறக்க முடியாத சந்தர்ப்பத்தில் யாரும் விடுமுறைக்கு செல்ல வேண்டாம் என்று முதல்வர் யோகி கூறினார். சுதந்திர வார விழா என்பது வெறும் அரசு நிகழ்ச்சியாக மட்டும் இருக்காமல், ஒவ்வொரு குடிமகனின் நிகழ்ச்சியாகவும் இருக்க வேண்டும் என்றார்.
நாடு முழுவதும், உத்தரபிரதேசத்தில் 7 நாட்கள் முழுவதும் பண்டிகை சூழல் இருக்க வேண்டும். இதுபோன்ற சமூக அமைப்புகள் பல ஆண்டுகளாக பொதுமக்கள் மத்தியில் தங்களது சேவைப் பணிகளை செய்து வருவதாகவும், எனவே இந்த ஆண்டு அதில் ஆட்களை சேர்க்க வேண்டும் என்றும் தன்னார்வ தொண்டு நிறுவனங்களுக்கு தலைமைச் செயலாளர் வேண்டுகோள் விடுத்துள்ளார். விளையாட்டுப் போட்டிகள், கலாச்சார நிகழ்ச்சிகள், பாடல்கள் மற்றும் இசை, தீஜ், விழா தொடர்பான அனைத்து நிகழ்வுகளும் சுதந்திரத்தின் அமிர்தத்துடன் இணைக்கப்பட வேண்டும் என்றும் தகவல் தெரிவிக்கப்பட்டுள்ளது.
சென்னை : சென்னை கிண்டியில் செயல்பட்டு வரும் அண்ணா பல்கலைக்கழகத்தில் நேற்று முன்தினம் இரவு மாணவி ஒருவர் பாலியல் வன்கொடுமைக்கு…
சென்னை : தென்மேற்கு மற்றும் அதனை ஒட்டிய மத்தியமேற்கு வங்கக்கடல், தெற்கு ஆந்திர- வடதமிழக கடலோரப்பகுதிகளில் நிலவிய ஆழ்ந்த காற்றழுத்த தாழ்வு…
கோவை : கலங்கல், பீடம்பள்ளி, பட்டணம், பாப்பம்பட்டி, அக்கநாயக்கன்பாளையம், பட்டணம்புதூர், பாப்பம்பட்டிப்பிரிவு, கண்ணம்பாளையம், நடுப்பாளையம் (ஒரு மண்டலம்), சின்ன குயிலி,…
சென்னை : விடாமுயற்சி படத்திற்கான அப்டேட் எப்போது வெளியாகும் என்று தான் அஜித் ரசிகர்கள் மட்டுமின்றி மற்ற சில நடிகர்களின் ரசிகர்களும்…
சென்னை : இந்திய கிரிக்கெட் அணியின் வேகப்பந்து வீச்சாளர் ஜஸ்பிரித் பும்ரா ஐசிசி தரவரிசை பட்டியலில் முதலிடம் பிடித்து அசதியுள்ள…
சென்னை : மாவட்டத்தில் கிண்டி பகுதியில் உள்ள அண்ணா பல்கலைக்கழத்தில் படித்து வந்த மாணவி ஒருவர் இரண்டு பேரால் பாலியல் வன்கொடுமை…
