#BREAKING: கேரளா; திரிக்காகரை இடைத்தேர்தலில் காங்கிரஸ் கட்சி வெற்றி!

கேரள மாநிலம் திரிக்காகரை சட்டமன்ற தொகுதி இடைத்தேர்தலில் காங்கிரஸ் கட்சி வேட்பாளர் உமா தாஸ் வெற்றி.

கேரள மாநிலம் திரிக்காகரை சட்டமன்ற தொகுதி இடைத்தேர்தலில் காங்கிரஸ் கட்சி வேட்பாளர் உமா தாஸ் வெற்றி பெற்றுள்ளார். காங்கிரஸ் கட்சி சார்பில் போட்டியிட்ட உமா தாஸ் 72,770 வாக்குகள் பெற்று திரிக்காகரை இடைத்தேர்தலில் அபார வெற்றி பெற்றுள்ளார். 2021 தேர்தலில் காங்கிரஸ் பெற்ற வாக்கு வித்தியாசமான 14,329-ஐ விட தற்போது 10,687 வாக்குகளுக்கு மேல் கூடுதலாக பெற்றுள்ளார் உமா தாஸ்.

இதனால் கேரள இடைத்தேர்தலில் காங்கிரஸ் கட்சியின் வாக்கு வித்தியாசம் அதிகரித்துள்ளது. கேரள முதலமைச்சர் பினராயி விஜயன் தலைமையில் பிரச்சாரம் செய்தபோதும் மார்க்சிஸ்ட் வேட்பாளர் ஜோ ஜோசப் தோல்வி அடைந்துள்ளார். 2021 தேர்தலில் திரிக்காகரை தொகுதியில் பாஜக பெற்ற வாக்குகளை விட இடைத்தேர்தலில் 2,526 வாக்குகள் குறைந்துவிட்டன. அதாவது, 2021 தேர்தலில் பாஜக 15,483 வாக்குகள் பெற்ற நிலையில், தற்போது இடைத்தேர்தலில் அக்கட்சி வேட்பாளர் ஏ.என் ராதாகிருஷ்ணன் 12,957 வாக்குகள் தோல்வியை சந்தித்துள்ளார்.