சமீபத்தில் மத்திய அரசால் கொண்டுவரப்பட்டுள்ள குடியுரிமை திருத்த சட்டத்துக்கு எதிராக நாடு முழுவதும் பல மாநிலங்களில் பெரும் எதிர்ப்பு தெரிவித்து வருகின்றனர். இந்த திருத்த சட்டத்துக்கு எதிராக பல்வேறு இடங்களில் போராட்டங்கள் கலவர களமாக மாறியது. இதனை எதிர்த்து அரசியல் கட்சிகள், மாணவர் அமைப்புகள் போன்ற பல அமைப்புகள் அவர்களது எதிர்ப்பை தெரிவித்து வருகின்றனர். இந்நிலையில், டெல்லி ஜாமியா மில்லியா இஸ்லாமியா பல்கலைக்கழகத்தில் குடியுரிமை சட்டத்துக்கு எதிராக மாணவர்கள் சில நாட்களாக போராட்டத்தில் ஈடுபட்டு வருகின்றன. இதனிடையே இன்று தொடர் போராட்டம் நடைபெற்று வந்த நிலையில், திடீரென போராட்ட களத்தில் மர்ம நபர் ஒருவர் நுழைந்தார். அப்போது அவர் வானத்தை நோக்கியும், மாணவர்களை நோக்கியும், துப்பாக்கியால் சுட்டார். இந்த துப்பாக்கி சூடு சம்பவத்தில் மாணவர் ஒருவர் காயமயடைந்துள்ளார்.
பின்னர் தொடர்ந்து அந்த நபர் துப்பாக்கியைக் காட்டி மிரட்டியவாறு ஜெய் ஸ்ரீ ராம் என்றும், இதோ எடுத்துக்கொள்ளுங்கள் விடுதலை என்றும், கூச்சலிட்டுக் கொண்டே சென்றார். இந்த நிகழ்வு அனைத்தையும், அங்கு செய்தி சேகரிக்கச் சென்ற செய்தியாளர்கள் முன்னிலையிலேயே நடைபெற்றது. பின்னர் அங்கிருந்த பலரும் மர்ம நபரின் செயலை வீடியோ எடுத்து இணையத்தில் பதிவிட்டனர். பின்னர் பாதுகாப்புப் பணியில் இருந்த காவலர்கள், அந்த மர்ம நபரை சுற்றி வளைத்துப் பிடித்தனர்.
இந்த நிலையில் துப்பாக்கிச் சூட்டில் காயமடைந்த மாணவர் மருத்துவமனையில் அனுமதிக்கப்பட்டுள்ளார். அந்த மர்ம நபரை காவல்துறை அழைத்து சென்று தீவிர விசாரணையில் அந்த நபரின் பெயர் ராம் பகத் கோபால் சர்மா இவருக்கு 19 வயது என்றும், உத்தர பிரதேசம் மாநிலம் கௌதம் புத்த நகர் மாவட்டத்தை சேர்ந்தவர் என்று தெரியவந்தது. இவர் கையில் வைத்திருந்தது நாட்டுத் துப்பாக்கி என தகவல் வந்துள்ளது. இதனிடையே அவர் ஒரு குறிப்பிட்ட குழுவை சேர்ந்த மாணவர்களிடம் மறியல் செய்யப்படுவதை கைவிட வேண்டும், சாலை போக்குவரத்தை மீண்டும் தொடங்க வேண்டும் என்று கூறியுள்ளார். குடியுரிமை திருத்தச் சட்டத்துக்கு எதிராக ஜாமியா மில்லியா பல்கலைக்கழகத்தில் போராட்டம் தொடர்ந்து வரும் நிலையில், இந்த துப்பாக்கி சூடு சம்பவம் அங்கு பெரும் பரபரப்பை ஏற்படுத்தியுள்ளது.
சென்னை : தென்மேற்கு மற்றும் அதனை ஒட்டிய மத்தியமேற்கு வங்கக்கடல், தெற்கு ஆந்திர- வடதமிழக கடலோரப்பகுதிகளில் நிலவிய ஆழ்ந்த காற்றழுத்த தாழ்வு…
கோவை : கலங்கல், பீடம்பள்ளி, பட்டணம், பாப்பம்பட்டி, அக்கநாயக்கன்பாளையம், பட்டணம்புதூர், பாப்பம்பட்டிப்பிரிவு, கண்ணம்பாளையம், நடுப்பாளையம் (ஒரு மண்டலம்), சின்ன குயிலி,…
சென்னை : விடாமுயற்சி படத்திற்கான அப்டேட் எப்போது வெளியாகும் என்று தான் அஜித் ரசிகர்கள் மட்டுமின்றி மற்ற சில நடிகர்களின் ரசிகர்களும்…
சென்னை : இந்திய கிரிக்கெட் அணியின் வேகப்பந்து வீச்சாளர் ஜஸ்பிரித் பும்ரா ஐசிசி தரவரிசை பட்டியலில் முதலிடம் பிடித்து அசதியுள்ள…
சென்னை : மாவட்டத்தில் கிண்டி பகுதியில் உள்ள அண்ணா பல்கலைக்கழத்தில் படித்து வந்த மாணவி ஒருவர் இரண்டு பேரால் பாலியல் வன்கொடுமை…
சென்னை : கிண்டியில் உள்ள அண்ணா பல்கலைக்கழத்தில் படித்து வரும் ஒரு மாணவனும், மாணவியும் பல்கலைக்கழக வளாகத்தில் ஒன்றாக அமர்ந்து பேசிகொண்டிருந்த…
