#Breaking: இந்தியாவில் 25 பேருக்கு கொரோனா வைரஸ் உறுதி – மத்திய சுகாதாரத்துறை அறிவிப்பு.!

இந்தியாவில் 25 பேருக்கு கொரோனா வைரஸ் தொற்று இருப்பது உறுதி செய்யப்பட்டுள்ளது என மத்திய சுகாதாரத்துறை அமைச்சர் ஹர்ஷ் வர்தன் தெரிவித்துள்ளார். 17 இத்தாலிய சுற்றுலாப் பயணிகள் உள்பட 25 பேருக்கு கொரோனா தொற்று இருப்பது கண்டறியப்பட்டது. மேலும் ஆக்ராவில் ஒரே குடும்பத்தை சேர்ந்த 6 பேருக்கு கொரோனா இருப்பது உறுதி செய்யப்பட்டுள்ளது என மத்திய அமைச்சர் அறிவித்துள்ளார். இதனிடையே கொரோனவால் பாதிக்கப்பட்ட கேரளாவை சேர்ந்த மூன்று பேர் சிகிச்சை பின் வீடு திரும்பினார் என்பது குறிப்பிடத்தக்கது. இந்த நிலையில் இந்தியாவில் இதுவரை 28 பேருக்கு இந்த வைரஸ் இருப்பது உறுதி செய்யப்பட்டது என குறிப்பிடப்படுகிறது. இந்தியா வரும் அனைத்து வெளிநாட்டு பயணிகளுக்கும் சோதனை நடத்த மத்திய அமைச்சர் ஹர்ஷ் வர்தன் உத்தரவிட்டுள்ளார்.