#Breaking: இந்தியாவில் கொரோனா உயிரிழப்பு 4 ஆக உயர்வு.!

இந்தியாவில் கொரோனாவால் உயிரிழந்தவர்களின் எண்ணிக்கை நான்காக அதிகரித்துள்ளது. பஞ்சாப் மாநிலத்தில் இரண்டு பேர் பாதிக்கப்பட்டிருந்த நிலையில், அதில் 72 வயதுடைய முதியவர் ஒருவர் கொரோனாவால் சிகிச்சை பலனின்றி உயிரிழந்துள்ளார். 

சீனாவில் தொடங்கிய கொரோனா என்ற கொவிட்-19 வைரஸ், தற்போது இந்தியாவில் வேகமாக பரவி வருகிறது. இந்தியாவில் நாளுக்கு நாள் கொரோனாவால் பாதிக்கப்பட்டவர்களின் எண்ணிக்கை அதிகரித்து வருவதால் கொரோனா வைரஸை தேசிய பேரிடராக மத்திய அரசு அறிவித்தது. கொரோனோ வைரஸ் பரவலை தடுக்க மத்திய, மாநில அரசு பல்வேறு முன்னெச்சரிக்கை நடவடிக்கைகளை தீவிரமாக எடுத்து வருகின்றனர். 

இந்தியாவில் இதுவரை கொரோனாவால் பாதிக்கப்பட்டவர்களின் எண்ணிக்கை 169ஐ எட்டியுள்ளது. மேலும் டெல்லி, கர்நாடகா, மகாராஷ்டிரா மாநிலங்களை சேர்ந்த 3 பேர் கொரோனாவால் உயிரிழந்த நிலையில், தற்போது பஞ்சாப்பை சேர்ந்த 72 வயது முதியவர் ஒருவர் உயிரிழந்துள்ளார். இந்த நிலையில் இந்தியாவில் கொரோனாவால் உயிரிழப்பின் எண்ணிக்கை 4 ஆக உயர்ந்துள்ளது.