#BREAKING : மாணிக்கம் தாகூர், ஜோதிமணி உள்ளிட்ட 4 பேர் இடைநீக்கம் – சபாநாயகர் ஓம் பிர்லா அதிரடி

நாடாளுமன்ற மழைகால கூட்டத்தொடரில் இருந்து மாணிக்கம் தாகூர் மற்றும் ஜோதிமணி உள்ளிட்ட 4 மக்களவை உறுப்பினர்கள் இடைநீக்கம்

மழைக்கால கூட்டத்தொடர் தொடங்கியதில் இருந்தே மக்களவை மற்றும் மாநிலநக்கலவை கூட்டத்தில் எதிர்க்கட்சியினர் விலைவாசி ஏற்றம் உள்ளிட்ட பிரச்சனைகளை முன்னெழுப்பி அமளியில் ஈடுப்பட்டு வந்தனர்.

இந்த நிலையில், கடந்த வாரம் முழுவதும் முழுவதும் இரு அவைகளும் முடங்கியது. இன்று அதே சூழல் தான் மக்களவை கூடிய போது ஏற்பட்டது. அப்போது சபாநாயகர் ஓம் பிர்லா பதாகைகளை ஏந்தி வருவது, அவைத்தலைவர் இருக்கையை முற்றுகையிடுவது, தொடர் முழக்கங்களில் ஈடுபடுவதை தவிர்க்க வேண்டும் என அறிவுறுத்தி இருந்தார்.

இந்த நிலை தொடர்ந்ததையடுத்து, அவை ஒத்திவைக்கப்ட்டு 2 மணியளவில் மீண்டும் தொடங்கியது. அப்போதும் எதிர்க்கட்சியினர் அமளியில் ஈடுபட்டனர். இதனையடுத்து, மாணிக்கம் தாகூர், ஜோதிமணி உள்ளிட்ட 4 பேரை மக்களவை உறுப்பினர்களை இடைநீக்கம் செய்ய வேண்டும் என அரசு தரப்பில் தீர்மானம் கொடுக்கப்பட்டது. இந்த தீர்மானம் நிறைவேற்றப்பட்டு, 4 மக்களவை காங்கிரஸ் உறுப்பினர்கள், இந்த கூட்டத்தொடர் முழுவதும் கலந்து கொள்ள கூடாது என இடைநீக்கம் செய்யப்பட்டுள்ளனர்.

அதன்படி, நாடாளுமன்ற மழைகால கூட்டத்தொடரில் இருந்து மாணிக்கம் தாகூர் மற்றும் ஜோதிமணி உள்ளிட்ட 4 மக்களவை உறுப்பினர்கள் இடைநீக்கம் செய்து சபாநாயகர் ஓம் பிர்லா அறிவிப்பு  வெளியிட்டுள்ளார்.