#Breaking:சற்று முன்…சுகாதாரத்துறை அமைச்சரை திடீர் பதவி நீக்கம் செய்த பஞ்சாப் முதல்வர்!

பஞ்சாப் மாநிலத்தின் சுகாதாரத்துறை அமைச்சர் விஜய் சிங்லாவை, அம்மாநில முதல்வர் பகவந்த் மான் பதவி நீக்கம் செய்துள்ளார். சுகாதாரத்துறை அமைச்சர் விஜய் சிங்லா அரசு ஒப்பந்தங்களுக்கு அதிகாரிகளிடம் 1% கமிஷன் கோரியதாக கூறப்படும் நிலையில்,அவர் மீதான ஊழல் புகார் உறுதியானது.

இந்நிலையில்,தற்போது  சுகாதாரத்துறை அமைச்சர் விஜய் சிங்லாவை பதவி நீக்கம் செய்து பஞ்சாப் முதல்வர் பகவந்த் மான் அதிரடி நடவடிக்கை மேற்கொண்டுள்ளார்.

இது தொடர்பாக,ஆம் ஆத்மி எம்பி ராகவ் சதா கூறுகையில்:”ஊழலின் அடிப்படையில் தங்கள் சொந்தக்காரர்களுக்கு எதிராக நடவடிக்கை எடுக்கும் நேர்மை,தைரியம் மற்றும் நேர்மை ஆகியவற்றைக் கொண்ட ஒரே கட்சி ஆம் ஆத்மி கட்சிதான்.அதை முதலில் நாங்கள் டெல்லியில் பார்த்தோம்,தற்போது பஞ்சாப்பில் நாங்கள் காண்கிறோம்.இது முதல்வரின் பாராட்டுக்குரிய முடிவு”,என்று தெரிவித்துள்ளார்.