எல்லை விவகாரம்.! இரு நாடுகளின் கமாண்டர்களுக்கு இடையில்  2-வது பேச்சுவார்த்தை.!

கடந்த சில மாதங்களாக இந்தியா- சீனா இடையே எல்லைப் பிரச்சினை உள்ளதால், லடாக் எல்லையில் இரு நாடுகளின் படைகள் குவிக்கப்பட்டது. இந்நிலையில், கடந்த திங்கட்கிழமை இரு இந்தியா- சீனா வீரர்கள் இடையே மோதல் ஏற்பட்டது.

இதில், இந்தியா  வீரர்கள் 20 வீரமரணம் அடைந்தனர். சீனா தரப்பில் 40 பேர் வரை உயிரிழந்ததாக கூறப்படுகிறது , ஆனால், இதுகுறித்த அதிகாரப்பூர்வ தகவல் வெளியாகவில்லை. இந்த மோதலைத் தொடர்ந்து இரு நாடுகளுக்கிடையில் பதற்றம் அதிகரித்துள்ளது.

இந்நிலையில், எல்லை பிரச்சினை தொடர்பாக இந்தியா, சீனா இடையே பேச்சுவார்த்தை தொடங்கியது. அதிகாரிகள் அளவிலான பேச்சுவார்த்தையில் முடிவு எட்டதாநிலையில், இன்று இருநாட்டு ராணுவ கமாண்டர்களுக்கிடையில் இரண்டாவது முறையாக  பேச்சுவார்த்தை நடைபெறுகிறது.

கடந்த 6-ம் தேதி இருநாட்டு ராணுவ கமாண்டர்களுக்கு இடையில் முதல் பேச்சுவார்த்தை நடைபெற்றது. இந்த பேச்சுவார்த்தையின்போது பல இடங்களில் படைகளை திரும்ப பெறுவதற்கு சீனா ஒப்புக் கொண்டனர் என்பது குறிப்பிடத்தக்கது.