திடீரென வெடித்த புளூடூத் இயர்போன்…! பரிதாபமாக உயிரிழந்த இளைஞன்…!

புளூடூத் இயர்போன்களைப் பயன்படுத்தி தொலைபேசியில் பேசிக் கொண்டிருந்தபோது புளூடூத் இயர்போன் வெடித்ததில் இளைஞர் உயிரிழப்பு. 

தொழில்நுட்பம் வளர்ந்துள்ள இந்த காலகட்டத்தில் சிறியவர்கள் முதல் முதியவர்கள் அவரை அனைவருமே ஆன்ராய்டு போன் உபயோகிக்கின்றனர். இந்நிலையில், ராஜஸ்தான் மாநிலம் ஜெய்ப்பூரில், உள்ள சோமு பகுதியில் உள்ள உதய்புரியா கிராமத்தில் வசிப்பவர் ராகேஷ்.

இவர் தனது புளூடூத் இயர்போன்களைப் பயன்படுத்தி தொலைபேசியில் பேசிக் கொண்டிருந்தபோது, திடீரென வெடித்தது. ராகேஷ் உடனடியாக சித்திவிநாயக் மருத்துவமனைக்கு கொண்டு செல்லப்பட்டார். அங்கு அவர் சிகிச்சை பலனின்றி உயிரிழந்துள்ளார்.

இதுதொடர்பாக டாக்டர் எல்என் ருண்ட்லா கூறுகையில், இளைஞன் மாரடைப்பு காரணமாக உயிரிழந்திருக்கலாம் என்று கூறியுள்ளார். புளூடூத் இயர்போன் வெடித்ததில், இளைஞர்களின் இரு காதுகளுக்கும் காயம் ஏற்பட்டுள்ளது.