பா.ஜ.க.வில் இணைந்த முத்தலாக் முறையை எதிர்த்த இஷ்ரத் ஜஹான்!

 
ஹவுராவில் உள்ள பா.ஜ.க. அலுவலகத்திற்கு வந்த இஷ்ரத் ஜஹான், தங்கள் கட்சியில் இணைந்து கொண்டதாக பா.ஜ.க.வின் மேற்குவங்க மாநில பொதுச் செயலாளர் சயந்தன் பாசு தெரிவித்துள்ளார். இவர் முத்தலாக் நடைமுறையை எதிர்த்து உச்சநீதிமன்றத்தில் வழக்கு தொடர்ந்த பெண்களுள் ஒருவரான இஷ்ரத் ஜஹான்.  இஷ்ரத் ஜஹானுக்கு பா.ஜ.க. சார்பில் பாராட்டுகளை தெரிவித்துக் கொண்டதாகவும் அவர் கூறியுள்ளார்.
இஷ்ரத் ஜஹானின் கணவர் துபாயில் இருந்தபடி செல்போன் வாயிலாக மூன்று முறை தலாக் கூறி திருமண பந்தத்தை முறித்துக் கொண்டதை அடுத்து முத்தலாக் முறைக்கு எதிராக உச்சநீதிமன்றத்தில் அவர் வழக்கு தொடர்ந்தார். இதேபோன்ற ஐந்து மனுக்களை விசாரித்த உச்சநீதிமன்றம், முத்தலாக் முறை சட்டவிரோதமானது என்று தீர்ப்பளித்தது குறிப்பிடத்தக்கது.
source: dinasuvadu.com