உ.பி-யில் பாஜகவுக்கு வெற்றி வாய்ப்பு பிரகாசம்..! கருத்துக்கணிப்பில் தகவல்..!

உத்தரப் பிரதேசம், மணிப்பூர், கோவா, பஞ்சாப், உத்தரகாண்ட் ஆகிய 5 மாநிலங்களில் சட்டமன்ற பொதுத்தேர்தலுக்கான வாக்குப்பதிவு நடைபெற்று வந்தது. இதில் மணிப்பூரில் இரண்டு கட்ட வாக்குப்பதிவு நடைபெற்ற நிலையில், கோவா, பஞ்சாப், உத்தரகாண்ட் ஆகிய மாநிலங்களில் ஒரே கட்டமாக வாக்குப்பதிவு நடைபெற்று முடிவடைந்துள்ளது. உத்தரபிரதேசத்தில் 6 கட்ட வாக்குப்பதிவு முடிவடைந்த நிலையில், சட்டப் பேரவைக்கான இறுதி கட்ட வாக்குப்பதிவு இன்று நடைபெற்றது.

இந்த நிலையில், உ.பி-யில் ஆட்சி அமைக்க போவது யார்? என ரிபப்ளிக் டிவி நடத்திய கருத்துக்கணிப்பில், பாஜகவுக்கு வெற்றி வாய்ப்பு பிரகாசமாக உள்ளது. அதன்படி, பாஜக 262-277, சமாஜ்வாதி 119-134, பகுஜன் சமாஜ் 7-15, காங்கிரஸ் 3-8 என தெரிவிக்கப்பட்டுள்ளது.

நியூஸ் எக்ஸ் கருத்துக்கணிப்பின்படி, பாஜக 211-225, சமாஜ்வாதி 146 – 160, பகுஜன் சமாஜ் 14-24, காங்கிரஸ் 4-6 என தெரிவிக்கப்பட்டுள்ளது.