இந்தியாவில் பிஜிஎம்ஐ தடையை நீக்குமாறு இந்திய அரசிடம் கோரிக்கை..

இந்திய அரசாங்கம் சமீபத்தில் கூகுள் மற்றும் ஆப்பிள் நிறுவனங்களை அந்தந்த பிளே ஸ்டோர் மற்றும் ஆப் ஸ்டோர்களில் இருந்து பேட்டில் க்ரௌண்ட்ஸ் மொபைல் இந்தியா (BGMI) கேமை அகற்றுமாறு கேட்டுக் கொண்டதற்கிணங்க அகற்றப்பட்டது.

தகவல் தொழில்நுட்பச் சட்டம் 2000 இன் பிரிவு 69A இன் கீழ் பிஜிஎம்ஐ தடை செய்யப்பட்டுள்ளது. இதே சட்டத்தின் கீழ் தான் இரண்டு ஆண்டுகளுக்கு முன்பு பப்ஜி  மொபைல் மற்றும் டிக்டோக் தடை செய்யப்பட்டது. செயலி செய்யப்பட்ட  காரணத்தை இந்திய அரசாங்கம் வெளியிடவில்லை. ஆனால் பிஜிஎம்ஐ பயனர்களின் தரவை சீனாவுக்கு அனுப்புகிறது என்று அரசாங்கம் அஞ்சியதால் கேம் தடுக்கப்பட்டதாக சில தகவல்கள் தெரிவிக்கின்றன.

சில கேமிங் நிறுவனங்கள் இந்தியாவில் கேமிங் சூழலை வளர்ப்பதற்கு உதவுமாறு பிரதமர் நரேந்திர மோடிக்கு கடிதம் எழுதியுள்ளன. இந்த நிறுவனங்கள் “இந்தியாவில் செயல்படும் அனைத்து நிறுவனங்களுக்கும் ஒரே மாதிரியான மற்றும் நியாயமான ஒழுங்குமுறையை” வழங்குமாறு அரசாங்கத்தை வலியுறுத்துகின்றன.

பிரதமருக்கு எழுதிய கடிதத்தில், “தொழில்துறையின் வாழ்வு மற்றும் வளர்ச்சிக்கு மூலதனமும் உள்கட்டமைப்பும் முக்கியமானவை என்றாலும், இந்தியாவில் ஒரு வலுவான கேமிங் சுற்றுச்சூழல் அமைப்பை நிறுவுவதற்கு முன்னணி உலகளாவிய வீடியோ கேமிங் நிறுவனங்கள் தங்கள் அனுபவமும் அடுத்த தலைமுறை தொழில்நுட்பமும் தேவை” என்றும் “உலகளாவிய சிறந்த நடைமுறைகளை அடிப்படையாகக் கொண்ட வலுவான வீடியோ கேம்களை மையமாகக் கொண்ட கொள்கைகளை உருவாக்குவதில் தொழில்துறையானது அரசாங்கத்துடன் தீவிரமாக ஈடுபட விரும்புகிறது” என்றும் அந்த கடிதத்தில் குறிப்பிடப்பட்டுள்ளது.

“எதிர்காலத்தில் இன்னும் விரிவான உரையாடல் மற்றும் விவாதத்தை நோக்கிச் செயல்படுவதற்கான ஆலோசனை மற்றும் வழிகாட்டுதலை” கோரி, இந்த விஷயத்தில் அவசரமாகத் தலையிடுமாறு கோரியுள்ளது.