நடிகையும், அமைச்சருமான ரோஜா மீது கொலை முயற்சி.? 25 பேர் கைது.! பின்னணியில் அந்த நடிகர் கட்சி.?

ஆந்திர மாநில அமைச்சர் ரோஜா வாகனத்தை வழிமறித்து பவன் கல்யாண் கட்சியினர் தாக்கியதாக கூறப்படுகிறது. இதனை அடுத்து, 25 பேரை கொலை முயற்சி உள்ளிட்ட வழக்குகளின் கீழ் காவல்துறையினர் கைது செய்துள்ளனர். 

ஆந்திர மாநிலத்தில் ஆளும்கட்சி அமைச்சராக இருக்கிறார் நடிகை ரோஜா.  இவர் தலைமையில் விசாகா பகுதியில் ஆந்திர மாநிலத்திற்கு 3 தலைநகர் வேண்டும் என கோரிக்கை வைத்து ஆர்ப்பாட்டம் நடத்தினர்.

இந்த போராட்டம் முடிந்த பிறகு, ரோஜா விமான நிலையத்திற்கு புறப்பட்டார். அப்போது , நடிகர் பவன் கல்யாணின் ஜனசேனா கட்சியினர் ரோஜாவின் காரை வழிமறித்து தாக்கியதாக கூறப்படுகிறது. இதில் ரோஜாவின் கார் ஓட்டுனருக்கு தலையில் பலத்த அடி ஏற்பட்டுள்ளது.

இதனை தடுக்க முயன்ற காவல்துறையினருக்கும், தாக்குதல் நடத்தியவருக்கும் இடையே தள்ளுமுள்ளு ஏற்பட்டுள்ளது. இதனால் காவல்துறையினர் சிலருக்கும் அடிபட்டுள்ளது .

இந்த சம்பவத்தை அடுத்து, ஜனசேனா கட்சியினர் 25 பேரை கைது செய்தனர். அவர்கள் மீது கொலை முயற்சி வழக்கு, அரசு பணியாளர்களை பணி செய்ய விடாமல் தடுத்தல் போன்ற பிரிவுகளின் கீழ் வழக்குப்பதிவு செய்யப்பட்டுள்ளது .