#Article370: ஜம்மு காஷ்மீர் சிறப்பு அதிகாரம் ரத்து – ஆக.2ம் தேதி முதல் தினம்தோறும் விசாரணை!

Jammu and Kashmir Article370 [file image]

ஜம்மு காஷ்மீருக்கு சிறப்பு அந்தஸ்து ரத்துக்கு எதிரான வழக்குகள் ஆக.2 முதல் தினசரி விசாரிக்கப்படும் என அறிவிப்பு.

ஜம்மு காஷ்மீருக்கு சிறப்பு அதிகாரம் வழங்கிய பிரிவு 370 ரத்து செய்யப்பட்டதற்கு எதிரான வழக்கு விசாரணை ஆகஸ்ட் 2ம் தேதி முதல் தினம்தோறும் நடைபெறும் என உச்சநீதிமன்றம் அறிவித்துள்ளது. பிரிவு 370 ரத்து செய்யப்பட்டதற்கு எதிராக உச்சநீதிமன்றத்தில் தொடரப்பட்ட வழக்குகளின் விசாரணை 3 ஆண்டுகளாக நடைபெறவில்லை.

இந்த நிலையில், ஆகஸ்ட் 2ம் தேதி முதல் தினம்தோறும் வழக்குகளின் விசாரணை நடைபெறும் என அறிவிக்கப்பட்டுள்ளது. உச்சநீதிமன்ற தலைமை நீதிபதி சந்திரசூட் தலைமையிலான அரசியல் சாசன அமர்வு அறிவித்துள்ளது. பிரிவு 370 ரத்து செய்யப்பட்டதற்கு எதிராக 23 வழக்குகள் உச்சநீதிமன்றத்தில் நிலுவையில் உள்ள நிலையில், ஆகஸ்ட் 2 முதல் விசாரிக்கப்பட உள்ளது.

இதனிடையே, இந்திய அரசமைப்பு சட்டத்தின் 370-ஆவது பிரிவு (Article370) ஜம்மு காஷ்மீருக்கு சிறப்பு அந்தஸ்தை வழங்கி வந்தது. ஜம்மு காஷ்மீருக்கு வழங்கப்பட்டிருந்த சிறப்பு அந்தஸ்தை கடந்த 2019-ல் மத்திய அரசு ரத்து செய்தது. மத்திய அரசின் நடவடிக்கைக்கு எதிராக உச்சநீதிமன்றத்தில் 23 வழக்குகள் தாக்கல் செய்யப்பட்டன.

இந்த சூழலில், காஷ்மீருக்கு சிறப்பு அந்தஸ்து ரத்துக்கு எதிரான வழக்கில் நேற்று மத்திய அரசு அறிக்கையை தாக்கல் செய்திருந்தது. இதையடுத்து, ஜம்மு காஷ்மீருக்கு சிறப்பு அந்தஸ்து ரத்துக்கு எதிரான வழக்குகள் தினசரி விசாரிக்கப்படும் என அறிவிக்கப்பட்டுள்ளது.