போலீசாருக்கு கெஜ்ரிவால் கேள்வி!மரணம் குறித்து அமித்ஷாவிடம் எப்போது விசாரணை?

டெல்லி முதலமைச்சர் அரவிந்த் கெஜ்ரிவால் , நீதிபதி லோயா மரணம் குறித்து அமித் ஷாவிடம் எப்போது விசாரணை நடத்தப் போகிறீர்கள் என்று போலீசாருக்கு கேள்வி எழுப்பியுள்ளார்.

முதலமைச்சரின் வீட்டில் நடந்த ஆலோசனைக் கூட்டத்தின்போது, ஆம் ஆத்மி கட்சி எம்.எல்.ஏ.க்கள் தன்னை தாக்கியதாக தலைமைச் செயலாளர் அன்ஷூ பிரகாஷ், அம்மாநில ஆளுநரிடம் புகார் அளித்தார். இதையடுத்து, தாக்குதல் குறித்த தடயங்களை சேகரிப்பதற்காக, டெல்லி போலீசார் அரவிந்த் கெஜ்ரிவாலின் வீட்டுக்குள் இன்று அதிரடியாக நுழைந்தனர். இதுகுறித்து டுவிட்டரில் கருத்து கூறியுள்ள கெஜ்ரிவால், 2 அறைகளை ஆய்வு செய்ய ஒட்டுமொத்த போலீசாரும் தனது வீட்டுக்குள் வந்ததாக தெரிவித்துள்ளார். ஆனால், நீதிபதி லோயாவின் மரணம் குறித்து, பா.ஜ.க. தேசியத் தலைவர் அமித்ஷாவை எப்போது விசாரிக்கப் போகிறீர்கள் என்றும் அந்த பதிவில் கேள்வி எழுப்பியுள்ளார்.

மேலும் செய்திகளுக்கு தினச்சுவடுடன் இணைந்திருங்கள்.