அப்படிப்போடு…ஊழல் புகார் – புதிய செயலியை அறிமுகப்படுத்திய ஆந்திரா முதல்வர்!

ஆந்திரப் பிரதேச முதல்வர் ஜெகன் மோகன் ரெட்டி, ஊழல் தடுப்புப் பணியகத்தால்(ஏசிபி) உருவாக்கப்பட்ட ‘14400’ செயலியை(ACB mobile app 1440) மக்களுக்காக அறிமுகப்படுத்தியுள்ளார்.அதன்படி,மாநிலத்தில் உள்ள அரசு அதிகாரிகளுக்கு எதிரான ஊழல் தொடர்பான புகார்களைப் பதிவு செய்யவும்,முழு ஆதார ஆதாரங்களை நீதிமன்றத்தில் வழங்கவும் இந்த செயலி தொடங்கப்பட்டுள்ளது.குறிப்பாக,ஊழல் தொடர்பான புகார் அளிக்க மக்களுக்கு உதவும் வகையில் இந்த அதிநவீன செயலி வடிவமைக்கப்பட்டுள்ளது.

அதன்படி,நவீன தகவல் தொழில்நுட்பத்தைப் பயன்படுத்துவதன் மூலம் மக்கள் புகார்களைப் பதிவு செய்வதற்கும் வெளிப்படைத்தன்மையைப் பேணுவதற்கும் ஏசிபி செயலி வடிவமைக்கப்பட்டுள்ளது.புகாரை பதிவு செய்யும் போது,புகார்தாரர் ஊழல் தொடர்பான ஆடியோ,வீடியோ மற்றும் புகைப்பட ஆதாரங்களை பதிவு செய்யலாம்.இந்தச் செயலி,ஆதாரம் பதிவு செய்யப்பட்டு,புகாருடன் இணைக்கப்பட்டுள்ளதை உறுதிசெய்ய, உள்ளமைக்கப்பட்ட அம்சத்தை வழங்குகிறது.

இதனைத் தொடர்ந்து,இந்த செயலி தொடர்பாக கிராமம் மற்றும் வார்டு செயலகம் மூலம் மாவட்டம், நகராட்சி,மண்டலம் மற்றும் ஊராட்சி அளவில் விழிப்புணர்வு கருத்தரங்குகளை நடத்த அதிகாரிகள் திட்டமிட்டுள்ளனர்.நோட்டீஸ்,டிவி மற்றும் பேப்பர்களில் விளம்பரங்கள் மூலம் செயலியின் பயன்பாடு குறித்து மக்களுக்கு தெரிவிக்கப்படவுள்ளது.

இது தொடர்பாக ஆந்திர முதல்வர் கூறுகையில்:”ஊழலைக் கட்டுப்படுத்த 14400 மொபைல் செயலி தொடங்கப்பட்டுள்ளது.ஊழலுக்கு இடமளிக்கக் கூடாது என்பதில் அரசு தொடக்கம் முதலே வலியுறுத்தி வருகிறது. அதன்படி,ஊழல் மற்றும் பாகுபாடு இல்லாமல்,ரூ.1,41,000 கோடியை பயனாளிகளின் கைகளில் நேரடியாக விநியோகித்துள்ளோம்.

மேலும்,மாநிலம் முழுவதும் உள்ள ஒவ்வொரு அரசு அலுவலகத்திலும், ஊழியர்கள்,அதிகாரிகள் செய்ய வேண்டியதெல்லாம்,போனை ஆன் செய்து,செயலியைப் பதிவிறக்கம் செய்து,பட்டனை அழுத்தி அதன்பின்னர் உரையாடலில் ஈடுபட வேண்டும்.இதனால்,தகவல்கள் உடனடியாக ஏசிபி செயலிக்கு மாற்றப்படுகிறது.இது மிகவும் எளிமையானது,” என்று தெரிவித்துள்ளார்.

అవినీతి నిరోధానికి ‘ఏసీబీ 14400’ మొబైల్‌యాప్‌ను ప్రారంభించిన సీఎం. అవినీతి నిరోధానికి ఇదొక విప్లవాత్మకమైన మార్పుగా అభివర్ణించిన ముఖ్యమంత్రి. పట్టుబడ్డవారిపై కఠిన చర్యలుంటాయని హెచ్చరిక. pic.twitter.com/HHJAR3omPL

— CMO Andhra Pradesh (@AndhraPradeshCM) June 1, 2022

‘14400’ மொபைல் செயலியின் அம்சங்கள் இதோ:

• இந்த செயலி பதிவிறக்கம் செய்யப்பட்ட பிறகு,மொபைல் எண்ணை அங்கீகரிக்க பயனரின் மொபைல் ஃபோனுக்கு OTP அனுப்பப்படும்.
• OTP நிரப்பப்பட்ட பிறகு,பயனரின் மொபைல் ஃபோனில் ‘14400 செயலி’ நிறுவப்பட்டு பயன்பாட்டிற்குத் தயாராகி விடும்.
• அதன்பின்னர்,செயலியைத் திறந்தவுடன்,’நேரடி அறிக்கை’ மற்றும் ‘புகார்’ ஆகிய இரண்டு பிரிவுகள் மொபைல் திரையில் தோன்றும்.

1. நேரடி அறிக்கை: ஒரு குடிமகன் “நேரடி நிலையில்” ஊழல் தொடர்பான புகைப்படம்,ஆடியோ அல்லது வீடியோவை பதிவுசெய்து நேரடியாக புகாரைச் சமர்ப்பிக்கலாம்.
2. புகார் மனு:குடிமகன் ஒரு புகாரைத் தயார் செய்து,தன்னிடம் இருக்கும் ஆவணங்களான வீடியோ,புகைப்படம்,ஆடியோவை இணைத்து,இந்த அம்சத்தைப் பயன்படுத்தி புகாரைச் சமர்ப்பிக்கலாம்.புகார்கள் பதிவு செய்யப்பட்டவுடன்,எதிர்கால குறிப்புக்காக பயனரின் மொபைல் போனுக்கு குறிப்பு ஐடி அனுப்பப்படும்.

• புகார் உடனடியாக ஏசிபி தலைமையகத்தில் உள்ள சிறப்புப் பிரிவுக்கு செல்கிறது.அதிகாரிகள் நடவடிக்கை எடுப்பதற்காக ஏசிபி ஊழியர்கள் புகாரை சம்பந்தப்பட்ட காவல் நிலையத்திற்கு அனுப்புவார்கள்.
• சம்பந்தப்பட்ட அதிகாரிகள்,உடனடியாக அரசு அதிகாரி மற்றும் அவரது ஊழியர்கள் மீது வழக்குப் பதிவு செய்து அவர்களை காவலில் எடுத்து அல்லது வேறு ஒழுங்கு நடவடிக்கை எடுப்பார்கள்.
• அதன்பின்னர்,சம்மந்தப்பட்டவர்கள் மீது வழக்கு பதிவு செய்யப்பட்டு விசாரணை தொடங்கப்படும்.