இந்தியாவில் முதல்முறையாக கேரளாவில் அமல்…பெண்களுக்கு 6 மாத சம்பளத்துடன் மகப்பேறு விடுப்பு ..!

அரசு அலுவலகங்கள், அரசு கல்வி நிறுவனங்கள் மற்றும் அரசு உதவிபெறும் நிறுவனங்களில் பணிபுரியும் பெண்களுக்கு மகப்பேறு விடுப்பு வழங்கப்பட்டு வருகிறது .ஆனால் தனியார் கல்வி நிறுவனங்களில் மற்றும் தனியார் அலுவலகங்களில் வேலை செய்யும் பெண்களுக்கு மகப்பேறு விடுப்பு மற்றும் சிகிச்சை உதவித்தொகை   வழங்கப்படுவதில்லை.

இந்நிலையில் தனியார் நிறுவனங்கள் வேலை செய்யும் பெண்கள்  சம்பளத்துடன் கூடிய மகப்பேறு விடுப்பு வழங்க வேண்டும் என கேரளாவில் கோரிக்கை வைக்கப்பட்டது. இந்த கோரிக்கையை ஏற்றுக்கொண்ட கேரள அரசு தனியார் கல்வி நிறுவனங்களில் பணிபுரியும் பெண்கள் மற்றும் அரசு உதவி பெறாத கல்வி நிறுவனங்களில் வேலை செய்யும் பெண்களுக்கு 6 மாத சம்பளத்துடன் கூடிய மகப்பேறு விடுப்பு நேற்று உத்தரவிட்டுள்ளது.

 மேலும் சிகிக்சைக்காக ரூ.3500 சம்பந்தப்பட்ட கல்வி நிறுவனங்கள் வழங்க வேண்டும் என கூறியது.இந்தியாவில் முதல்முறையாக கேரளாவில் தான் தனியார் கல்வி நிறுவன ஊழியர்களுக்கு  மகப்பேறு விடுப்பு வழங்ப்படுகிறது என்பது குறிப்பிடத்தக்கது.