அல்போன்சா மாம்பழத்தின் விலை ரூ.3,500 கீழ் சரிவு..!

அல்போன்சா மாம்பழத்தின் விலை ஒரு பெட்டிக்கு ரூ.1,500 முதல் ரூ.3,500 ஆக குறைந்துள்ளதாக கூறப்படுகிறது.

அல்போன்சா மாம்பழத்தின் மொத்த விற்பனை சந்தையில் நாளுக்கு நாள் வரத்து அதிகரித்து வருகிறது. நேற்று சந்தைக்கு சுமார் 35,000 பெட்டிகள் அல்போன்சா மாம்பழங்கள் வந்தன. மகாராஷ்டிராவின் பல்வேறு பகுதிகளில் இருந்து சந்தைக்கு சுமார் 16,000 பெட்டிகள் வந்தன  என்று கூறப்படுகிறது.

மும்பை வேளாண் விளைபொருள் சந்தைக் குழுவின் வியாபாரிகள் கூறுகையில், தற்போது தேவகாட், சிந்துதுர்க், ரத்னகிரி, ராய்காட் ஆகிய பகுதிகளில் இருந்து மாம்பழங்கள் அதிக அளவில் வருகின்றன. வரத்து அதிகரித்துள்ளதை தொடர்ந்து, விலையில் பாதிப்பு ஏற்பட்டு தற்போது விலை மிகவும் குறைந்துள்ளது.

முன்பு அல்போன்சா மாம்பழங்களின் விலை ஒவ்வொரு பெட்டிக்கும் ரூ.3 ஆயிரம் முதல் ரூ.6 ஆயிரம் வரை விற்பனையானது. தற்போது, ஒவ்வொரு பெட்டிக்கும், 1,500 முதல், 3,500 ரூபாய் வரை விலை குறைந்துள்ளது என கூறினர்.