ஏர் இந்தியா விமானம் 8 மணி நேரம் தாமதம்..! 4 முறை ஏறி இறங்கிய பயணிகள்..!

புனேவில் இருந்து டெல்லி செல்லும் ஏர் இந்தியா விமானம் தொழில்நுட்பக் கோளாறு காரணமாக 8 மணி நேரம் தாமதம்.
புனேவிலிருந்து டெல்லிக்கு ஏர் இந்தியா விமானம் ஏஐ 854 வியாழக்கிழமை இரவு 10.15 மணிக்கு புறப்பட்டு டெல்லி விமான நிலையத்திற்கு அதிகாலை 12.25 மணிக்கு செல்லுவது வழக்கம். ஆனால் வியாழக்கிழமை இரவு விமானத்தில் ஏற்பட்ட தொழில்நுட்பக் கோளாறு  காரணமாக வெள்ளிக்கிழமை காலை 6.15 மணிக்கு விமானம் புறப்பட்டது.
என்ஜினில் ஏற்பட்ட தொடர் சிக்கலால் நான்கு முறை பயணிகள் விமானத்தில் ஏறி இறங்கினர். என்ஜினின் உதிரி பாகங்கள் வேறொரு விமான நிலையத்திலிருந்து வருவதாக பயணிகளுக்கு அறிவிக்கப்பட்டது என விமான நிலைய அதிகாரி ஒருவர் தெரிவித்தார்.
இந்நிலையில் டெல்லியில் இருந்து நியூயார்க், லண்டன் போன்ற சர்வதேச இடங்களுக்கு  செல்லும் விமானங்களை  பல பயணிகள் தவறவிட்டனர்.