பள்ளிகளை பாரத் நெட் மூலம் இணைக்க ஆலோசனை..?

அனைத்து பள்ளிகளையும் பாரத் நெட் மூலம் இணைக்க அனைத்து மாநில கல்வித்துறை செயலாளர்கள் கூட்டத்தில் விவாதிக்கப்பட்டதாக தகவல் வெளியாகியுள்ளது.

புதிய கல்விக்கொள்கையை அமல் செய்வது குறித்து மாநில அரசுகளுடன் ஆலோசனை நடத்த மத்திய அரசு முடிவு செய்து அனைத்து மாநில கல்வித்துறை செயலாளர்களுக்கு அழைப்பு விடுக்கப்பட்டது. இதைத்தொடர்ந்து, இன்று ரமேஷ் பொக்ரியால் தலைமையில் கூட்டம் காணொளி மூலம் நடைபெற்றது.

பொக்ரியாலுடனான ஆலோசனை கூட்டத்தில் அனைத்து பள்ளிகளையும் பாரத் நெட் மூலம் இணைக்கவும், மேல்நிலைப்பள்ளி மாணவர்கள் அனைவருக்கும் லேப்டாப், செல்போன் போன்ற டிஜிட்டல் கருவிகளை வழங்குவது தொடர்பாக விவாதிக்கப்பட்டதாக தகவல் வெளியாகியுள்ளது.