ஒற்றை எஞ்சின் கொண்ட போர் விமானம் தயாரிக்கும் திட்டத்தை கைவிடப்பட்டது மத்திய அரசு…!!

வெளிநாட்டுத் தொழில்நுட்ப உதவியோடு ஒற்றை எஞ்சினை கொண்ட போர் விமானங்களைத் தயாரிக்கும் திட்டத்தை மத்திய அரசு தற்போது கைவிட்டுவிட்டது. இராணுவத்திற்கு தேவையான உபகரணங்களை இந்தியாவிலேயே தயாரிப்போம் என்கிற முழக்கத்தின் ஒரு பகுதியாக வெளிநாட்டுத் தொழில்நுட்ப உதவியுடன் ஒற்றை எஞ்சின் கொண்ட 114போர் விமானங்களை முதன் முதலாக தயாரிக்க இந்திய அரசு திட்டமிட்டிருந்தது. மேலும் சுமார் ஒரு லட்சத்து 15ஆயிரம் கோடி ரூபாய் மதிப்பீட்டில் இந்த விமானங்களை தனியார் நிறுவனங்களான டாட்டா, அதானி நிறுவனங்கள் மற்றும் அதன் வெளிநாட்டுக் கூட்டு நிறுவனங்கள் உதவியுடன் தயாரிக்கத் திட்டமிடப்பட்டது என்பது குறிப்பிடத்தக்கது. இந்நிலையில் வெளிநாட்டில் தயாரிக்கப்பட்ட ரபேல் போர் விமானங்கள் வாங்குவதில் முறைகேடு உள்ளதாகக் காங்கிரஸ் குற்றஞ்சாட்டியுள்ள நிலையில், உள்நாட்டிலேயே போர்விமானம் தயாரிக்கும் திட்டத்தை மத்திய அரசு கைவிட்டுள்ளது என்பது குறிப்பிடத்தக்கது.