கேரளாவில் கொரோனா பாதிப்பு அதிகரிப்பதால் ஜூலை 24, 25 ஆம் தேதிகளில் முழு ஊரடங்கு அறிவிப்பு..!

கேரளாவில் கொரோனா பாதிப்பு அதிகரித்து வருவதால் வருகிற ஜூலை 24, 25 ஆம் தேதிகளில் முழு ஊரடங்கு அமல்படுத்தப்படுவதாக அறிவிக்கப்பட்டுள்ளது. 

இந்தியாவில் கொரோனா பரவல் குறைந்து வருகிறது. இருந்தபோதிலும், கேரள மாநிலத்தில் கொரோனா பரவல் கட்டுக்குள் வரவில்லை. தினசரி தொற்று பாதிப்பு அதிகரித்த நிலையில் உள்ளது. நேற்று ஒரே நாளில் கேரளாவில் 17,481 பேருக்கு கொரோனா உறுதி செய்யப்பட்டுள்ளது.

நேற்று 105 பேர் கொரோனா நோய்த்தொற்றினால் உயிரிழந்துள்ளது குறிப்பிடத்தக்கது. இதனால் கேரள மாநிலத்தில் கொரோனா தொற்று அதிகரித்து வரும் நிலையில் கேரள அரசு தொற்றை கட்டுப்படுத்த வருகிற சனிக்கிழமை மற்றும் ஞாயிற்றுக்கிழமைகளில் முழு ஊரடங்கு அமல்படுத்த உத்தரவு பிறப்பிக்கப்பட்டுள்ளது.

மேலும் பேரிடர் மேலாண்மை சட்டப்படி, நோய்த்தொற்றை கட்டுப்படுத்த வருகிற ஜூலை 23 ஆம் தேதி மாநிலம் முழுவதும் கொரோனா பரிசோதனை முகாம்கள் மூலமாக 3 லட்சம் பேருக்கு கொரோனா பரிசோதனை செய்யவிருப்பதாக அறிவித்துள்ளது.